Tërmeti me magnitudë 6.4 tronditë Kroacinë. Raportohet për të vdekur…
Një tërmet i fuqishëm me magnitudë 6.4 të shkallës Rihter ka goditur sot në orën 12:19 Kroacinë, me epiqendër pikërisht aty ku shënua mëngjesin e djeshëm, Petrinje, tërmeti me magnitudë 5.2 të shkallës Rihter, raporton Qendra Sizmologjike Mesdhetare, EMSC.
Petrinja është e rrënuara e tëra, qyteti i Sisakut që është vetëm 9 km nga epiqendra si dhe Zagrebi vetëm 51 km tashmë ka lagje të rrënuara dhe skenat janë të ngjashme nga lufta, qytetarët kanë dalë në rrugë në gjithë Kroacinë madje u raportua se është ndjerë deri në Beograd.
Në Petrinje ka humbur jetën një fëmijë, tha Kryebashkiaku Darinko Dumboviç për “24 sata” ndërsa mamasë së fëmisë po i jepet ndihma në ambulancë.
“Kjo është e tmerrshme. Ka të vdekur, ka të plagosur. Kemi parë një fëmijë se ka vdekur në bulevard. Qendra e Petrinjes është shkatërruar. Shtatë inxhenierët tanë kishin ngelur në godinën e rrënuar, por arritëm ti shpëtojmë. Kjo është katastrofë, dërgoni ndihmat që keni. Na dërgoni makineri, rrugët janë bllokuar,” tha një inxhinier i cili po vlerësonte dëmet.
Shërbimi Sizmologjik i Kroacisë raporton për një tërmet me magnitudë 6.2 të shkallës Rihter i cili ka goditur Kroacinë në orën 12:19 me epiqendër në Petrinje
“Intensiteti në epiqendër i këtih tërmeti shkatërrimtar është vlerësuar VIII-IX ballaë. Tërmeti është ndjerë në gjithë Kroacinë. Priten dëme të mëdha materiale,” raporton ky shërbim përmes rrjetit social Twitter.
Sizmologu Kreshimir Kuk tha se tërmeti i sotëm me magnitudë 6.2 ishte shumë i fuqishëm dhe çliroi energji 30 herë më shumë se ai i marsit që goditi Zagrebin.
“Epiqendra ishte në mes të Sisakut dhe Petrinjes, ishte me magnitudë 6.2 dhe çliroi energji 30 herë më shumë se ai në Zagreb me magnitudë 5.5 dhe ka shkaktuar dëme të mëdha materiale,” tha Kuk për TV N1 ndërsa për pasgoditjet tha se do të vazhdojnë por nuk garantoi se nuk mund të bjerë tërmet më i fuqishëm.
Në Petrinje, Sisak dhe Zagreb mbretëron një panik i madh, njerëzit janë nëpër rrugë ndërsa kaosi ka filluar ti pushtoj këto tri qytete.
