Tesla, Elon Musk shet 3.5 mld dollarë aksione

Drejtori i kompanisë Tesla, Elon Musk, ka bërë të ditur sot se ka shitur aksione të kësaj kompanie me vlerë 3.6 miliardë dollarë, duke e rritur kështu vlerën e aksioneve të shitura në rreth 40 miliardë dollarë.

Kjo ka shqetësuar investitorët sepse vlera e aksioneve të kompanisë ka arritur nivelin më të ulët në dy vitet e fundit.

Dokumentet për dorëzimin e letrave me vlerë, SEC, dëshmojnë se nga dita e hënë deri dje ai ka shitur 22 milionë aksione të prodhuesit më me vlerë në botë të makinave.

Kjo është dhe shitja e dytë më e madhe e aksioneve e Musk prej se ka blerë në muajin tetor komapninë Twitter për 44 miliardë dollarë. Nuk është e qartë nëse këto shitje të aksioneve kanë lidhje me Twitterin, por ato kanë shqetësuar investitorët me idenë se Musk mund fokusohet dhe kthej resurset e tij nga Tesla tek Twitteri.

Pjesa e Musk prej 13.4 për qind në Tesla ka ulur aksionet nga rreth 17 për qind sa kishte para një viti.

Vlera e aksioneve të kompanisë Tesla, që ka pësuar rënie për rreth 3 për qind sot, këtë vit është përgjysmuar.

Pasuria e Musk, kryesisht e lidhur me aksionet e kompanisë Tesla, brenda këtij viti ka pësuar rënie dhe nga java e kaluar nuk është njeriu më i pasur në botë. Sipas Forbes, tashmë i pari është shefi i Louis Vuitton, Bernard Arnault.

Përveç kompanive Tesla dhe Twitter, Musk ka dhe kompaninë hapsinore SpaceX dhe startup që po zhvillon neuroteknologjinë.

Tesla për momentin po përballet me sfida të logjistikës madje në muajin tetor ka paralajmëruar se nuk do të arrij që këtë vit të realizoj qëllimin e përcaktuar me numrin e makinave të porositura. Megjithatë, është më fitimprurës se konkurentët që kishin fitime më të vogëla nga shitja e makinave elektrike.