Bie çmimi i naftës, Bordi i Edi Ramës rrit heshtjen

Çmimet e naftës kanë pësuar rënie në tregjet ndërkombëtare meqë rritja e normës së interesit në bankat qendrore që ngadalësoj rritjen ekonomike, shkaktoi dhe uljen e kërkesës për arin e zi. Gjithsesi, Bordi i Transparencës ngeli i pashqetësuar dhe nuk mori mundimin të lëviz çmimet në tregun shqiptar!

Kështu, çmimi i barelit në tregun londinez në krahasim me një ditë më parë ka pësuar një rënie për 70 cent, në 82.0 dollarë. Bareli në tregun amerikan është tregtuar për 80 cent më pak, 76.49 dollarë.

Çmimet e naftës në të tregje kanë rënë për shkak të forcimit të dollarit, i cili mund të ul kërkesën për naftë sepse e bënë më të shtrenjtë për ata që përdorin valutë tjetër. Presidenti i bankës qendrore amerikane, Jerome Powell, tha se kjo bankë në vitin e ardhshëm do të ngritë sërish normat e interesit ndonëse ekonomia është e kërcënuar nga recesioni.

“Çmimi i naftës sot është nën presion sepse masat e politikës monetare të Fed kanë shtuar shqetësimin për rritjen ekonomike, forcuan dollarin amerikan dhe i bënë presion çmimit të mallërave,” tha Tina Teng nga CMC Markets duke shtuar:

“Të dhënat ekonomike kineze në muajin nëntor ishin shumë poshtë pritshmërive, që ka errësuar edhe më shumë mundësitë e kërkesës!”

Sot, të dhënat tregojnë se ekonomia e dytë më e madhe në botë ka humbur edhe më shumë, rritja e prodhimit në fabrika ka pësuar stanjacion e tregtia me pakicë k avazhduar rënien.

Ndryshe, Kina është importuesi më i madh i naftës në botë ndërsa Bordi i Transparencës së Edi Ramës, institucioni më i papërgjegjshëm në botë.