Thaçi: Nëse partitë nuk i përgjigjen realiteti të ri politik, do t’i shpalli zgjedhjet e reja

Presidenti i Kosovës, Hashim Thaçi, pas takimit me kryetaren e Komisionit Qendror të Zgjedhjeve, Valdete Daka, rreth mundësisë së mbajtjes të zgjedhjeve të parakohshme, tha se do të shqyrtojë të gjitha mundësitë për konsultime me partitë politike në Parlamentin e Kosovës.

“Nëse partitë politike nuk janë në gjendje t’i japin përgjigje këtij realiteti të ri politik në një afat të arsyeshëm kohor, jam i gatshëm t’i shpalli menjëherë zgjedhjet e reja,” sqaroi Thaçi.

Në takim me Presidentin, Valdete Daka është shprehur se KQZ-ja është e gatshme të organizojë zgjedhje në çdo kohë, derisa Thaçi ka konsideruar se është thelbësore që Kosova të ketë qeveri të re, raporton RFE.

Diskutimet për zgjdhje të reja kanë ardhur pasi Ramush Haradinaj ka dhënë dorëheqje nga posti i kryeministrit të Kosovës më 19 korrik, pas ftesës nga Prokuroria Speciale në Hagë për t’u intervistuar në cilësinë e të dyshuarit për krime lufte.