Thethi, krimi shtetëror, snajperisti i Edi Ramës, dhe donatorët e Batonit!
Kur Drejtori i Forumit për Marrëdhënie Etnike në Serbi, Dushan Janjiç, tha dy vjet më parë se Baton Haxhiu është Fletorja Zyrtare e Beogradit, dhe, kur Janjiç do që ti thotë diçka Presidentit serb Aleksandar Vuçiç jep intervista te portali i Batonit Albanian Post, askush se mori seriozisht!
Por, u deshtë një krim shtetëror i përmasave thethiane me në krye Edi Ramën, ku u çu me kuç e me maç për të folur mbi arsyet dhe arsyeshmërinë e këtij krimi, të reagoi dhe prifti dhe të përbuzet nga Kryeministri deri në fillimin e pastrimit të gjurmëve të këtij krimi nga ushtria shqiptare, që të kuptojmë nga Baton Haxhiu se çfarë ndodhi në Theth!
“Në Theth, ndërsa pluhuri i buldozerëve ende nuk është shpërbërë dhe turistët vazhdojnë të kërkojnë Kishën mes kontejnerëve, banorët flasin për ndërhyrjen si për një çlirim.
Kryeministri na shpëtoi, thonë. Edhe njëherë na kthyen Thethin,” e përshkruan sot në shkrimin e tij autorial, Baton Haxhiu, një ndjenjë çlirimi që vetëm Batoni mund ta sheh sot në Theth, aty ku Edi Rama përdhosi dinjitetin, familjen, traditën, njeriun e zotit dhe çdo gjë shqiptare për të cilën është folur ndër shekuj.
Rrëfimi i Batonit nuk tregon vetëm se na paska qenë një snajperist në pension që paska vendos një strukturë të përkohshme përballë Kishës së Thethit, që kishte përvojën dhe vetëbesimin e saktësisë absolute, ku dikur godiste me saktësi nga 2000 metra larg dhe këtë herë, nuk kishte nevojë për pushkë.
“Mjaftoi një konteiner, i vendosur në mënyrë të atillë që të zinte pikërisht pamjen ikonike të Kishës, që është ndoshta objekti më i fotografuar në të gjithë Alpet Shqiptare.
Në katër muaj fushatë zgjedhore, Thethi u mbush me ndërtime pa leje. Një snajperist në pension vendosi objektin e tij përballë Kishës si simbol i rrënimit të ligjit. Qeveria reagoi me vonesë, por me buldozerë,” shpjegon sot Batoni kur ushtria shqiptare tashmë ka filluar heqjen e dëshmive të krimit po ashtu autorial të Edi Ramës ,që ky epitaf i Batonit i zbulon të vërtetën që është vetëm një.
Ky snajperisti, jo ai fakiri i BKH të cilit i vunë flakën lokalit, mund të jetë dhe pjesë e planit të Edi Ramës për të shërbyer si sebep për fillimin e aksionit, pasi të jetë shëmtuar pamja ikonike e Kishës, që siç po shihet i ka prek shumë, si Edi Ramën ashtu dhe Këshilltarin e tij ikonik Batonin, i cili pas një jave terrori dhe sharjesh nga Fatmir krimineli, futi dorën në thesin e Thethit dhe nxori një snajperist, tmerr deri në 2000 metra!
E kur shkuan fadromat, ishin që ishin në Theth pasi shembën konteinerët e snajperistit, nxorën në dritë Kishën, dhe filluan të shembin rreth e rrotull sepse katunarët jo vetëm që kishin shëmtuar katunin e tyre, por kishin zemëruar edhe shefin e Batonit, Edi Ramën, të cilit nuk i pengon Qet Kastrati që i është futur kodrave përreth liqenit të Tiranës deri sa të lodhet, edhe pse është zonë e mbrojtur, ama Thethin, s’ka birë nëne as birë kurve që e prek, sa xhepin e tij në KPD-në e kriminelëve socialistë!
Dhe, Thethi s’kishte si të përfundonte ndryshe kur nga gjithë kjo shpurrë kriminale nuk u gjetë një që ka lexuar “A Passion for Theth/ Albania’s Rugged Shangri-La”, jo që ta nderonte të madhin Robert Elsie dhe atë që ka qëndis në veprën e tij para se të ndërronte jetë, por, të paktën do të kursente forcën që ka krimi shtetërorë kur futet në një parajsë shqiptare të ngjashme me Shangri La!
Nëse snajperisti nuk është pjesë e Planit të Edi Ramës, kjo është lehtë për tu verifikuar! Komuniteti Mysliman Shqiptar duhet t’i kërkoj një nderë Batonit, ta gjejë snajperistin që ti vendos ca konteiner duke i shëmtuar asaj pak pamje ikonike që i ka mbetur xhamisë së Et’hem Beut në Tiranë në mënyrë që vijë Edi Rama me IMT-në e tij dhe të shemb edhe pallatin që rri mbi kokën e xhamisë, dhe nuk e ka shëmtuar vetëm atë!
Snajperisti, pasi të ketë kryer këtë detyrë humane, mund ti bëjë edhe një nder Tiranës dhe të vendos po ata konteiner para Kullës së Sahatit të Tiranës e kur të vij Edi Rama me atë Fatmir Kriminelin, do Zoti i shemb edhe ngrehinat përreth Sahatit që jo vetëm i kanë shëmtuar pamjen por kanë damkosur një qytet të tërë debilash, që i lejuan një hajduti t’ju shëmtoj qytetin e tyre të dashur!
Bashkia Tiranë me këtë snjaperist të talentuar mund të ndaloj babëzinë e Qet Kastratit që nuk po ndalon tek ai normaliteti që e ka blerë dhe quhej Hotel Sheraton. Vërtetë tani Bashkia është në hall pasi atë patronazhistin që i ruante Kodrat e Liqenit, Eljan Taninin, Kryeministri e emëroi Drejtor i Arkivit Qendror Shtetëror të Filmit, sidoqoftë, kjo është çështje teknike patronazhistësh pasi me Belën që komandoi Edi Rama në këtë Bashki, do të organizohen protesta që do ti ketë zili jo vetëm Lali Eri, por, edhe ata prokurorët dhe gjyqtarët e SPAK dhe GJKKO që u trembën nga protesta ditën e gjykimit të Erion Hajdutit!
Aktorët që protestuan para Teatrit e kanë rastin e fundit dhe të artë, snajpersitin e Batonit, që pasi të inaugurohet ta akaparojnë në mënyrë që ai ti vendos konteinerët e tij para pamjes ikonike të Teatrit të ri me Kulla të Edvin Kristaq Ramës! Fadroma e IMT në Theth meqë u mësua të shkatërroj konteinerët e snajperistit dhe gjithçka ka rrotull, mund të realizoj shumë vepra kriminale ndonëse mund të këshillohet Fatmir Krimineli që të mbaj gojën sepse në Tiranë ndryshe nga Thethi, ka nga ata që respektojnë më shumë nënat e motrat dhe nuk i garanton njeri atë kokën që e ka vetëm për të vrarë!
Në fund, për të kuptuar ku e mori guximin shteti i Edi Ramës të futet si rrugaç në Theth, nga mbiu snajperisti, si e zbuloi Baton Haxhiu, dhe pse fundi i çdo maskarade përfundon në portalin e Batonit, mjafton të shohësh se kush janë donatorët e këtij portali që i shërben në mas të madhe edhe Beogradit, Presidentit të Serbisë, Aleksandar Vuçiç, dhe, Shërbimit Informativ të Shtetit; Pse e financojnë, e dinë ata vetë: Lajthiza, Banka Credins dhe Arlis!
