Thirrje, Sali Berisha: Është koha t’i bëjmë gjyqin publik Edi Ramës!
Afera e djegësave po vazhdon vetëm pse është afera e Edi Ramës dhe është që po bllokon kontrollin administrativ të djegësave, tha Kryetari i Partisë Demokratike, Sali Berisha, duke i bërë thirrje qytetarëve se është koha për t’i bërë gjyqin publik kësaj organizate kriminale qeveritare.
“Engjëll Agaçit, Arben Ahmetajt, Lefter Kokës, Erion Velisë, nuk ka ligj, nuk ka institucion, nuk kë forcë në këtë vend që mund t’u bëjë gjë. Kështu, muaj më parë, SKAP-i i partisë, në njoftimin zyrtar për këtë aferë gjigante, që tejkalon 420 milionë euro, njofton se bëhet fjalë për korrupsion, procedura prokurimesh antiligjore, falsifikime dokumentesh, larje parash, tjetërsime pronash. Pra, një kompleks veprash penale nga më seriozet.
Me gjithë këtë, kjo ndërmarrje kriminale, kjo aferë kriminale është e vetmja në Europë dhe në botë, mbi të cilën kanë rënduar akuza të tilla dhe janë shpallur në kërkim menaxherë dhe pronarë të saj, ajo vazhdon njëlloj sikundër asgjë nuk ka ndodhur, sikundër asgjë nuk është konstatuar, sikundër asnjë mandat arresti apo shpallje në kërkim nuk është lëshuar, sikundër askush nuk është burgosur në këtë aferë,” tha Sali Berisha duke ftuar çdo shqiptar të shtrojë pyetjen:
“Si mundet pas të gjithë këtyre akuzave, pas shpalljes në kërkim të pseudopronarëve të kompanive të djegësave, qeveria e Edi Ramës dhe Ministria e Financave, të disbursojë gjer sot, rreth 100 milionë euro. Të vazhdojë të disbursojë plotësisht të gjithë shumën e parashikuar për djegësin e Fierit. Mbi 6 milionë euro. Të gjithë shumën e parashikuar për djegësin e Tiranës. Të ndërtojë, të urdhërojë OSHEE-në të ndërtojë, linjën e tensionit të lartë për djegësin e Tiranës, me një shumë prej 6 milionë eurosh. Si mund të ndodhin këto?” thotë Berisha për këtë aferë kriminale që vazhdon jetën e saj për faktin e vetëm se kjo është aferë e Edi Ramës.
“Është Edi Rama që në kundërshtim flagrant me ligjet e vendit, në kundërshtim flagrant me opinionin ligjor të Entit Kombëtar të Prokurimeve Publike, që thotë se negociata e mbyllur është e ndaluar të përdoret, ka firmosur kontratën me negociata të mbyllura. Është Edi Rama ai që ka pranuar, që të gjitha prokurimet për djegësat nga Elbasani, Tirana dhe Fieri, të bëhen vetëm nga një kompani, kompania e tyre. Ndaj dhe nëse gjer më sot, pagesat e prapambetura për kompanitë e tjera shqiptare që kanë bërë punime dhe nuk kanë marrë shumën që u takon, kanë kaluar në 120 milionë euro për vitin, kompania e Edi Ramës, Engjëll Agaçit, Arben Ahmetajt dhe Erion Velisë, ka marrë rreth 40 milionë euro gjatë këtij viti, pa kryer asnjë punim. Kjo vetëm për faktin se është kompani e qeveritarëve.”
Me këtë rast lideri i opozitës denoncon dhe skandalin ku Edi Rama po bllokon kontrollin administrativ të djegësave:
“Në këto kushte, SKAP-i i partisë po përdoret si një instrument për hetime fake, për të mbuluar vazhdimin e krimit monstruoz. SKAP-i i partisë de facto është bërë mburojë kryesore e vazhdimit të vjedhjes së shqiptarëve nga Edi Rama, Arben Ahmetaj, Engjëll Agaçi dhe Erion Veliaj me sipërmarrjen e tyre. Në këtë kontekst, akuzoj direkt Edi Ramën, Engjëll Agaçin, Arben Ahmetajn dhe Erion Velinë edhe për faktin tjetër, që të ndërmerret një hap i detyruar nga gjykata, duhet një kontroll administrativ i zbatimit të kontratës. Kontrollin administrativ duhet ta ushtrojë Ministria e Financave dhe ajo e Mjedisit. Por kjo nuk ndodh kurrë, sepse Edi Rama nuk lejon të ushtrohet kontroll mbi kompaninë e tij,” tha Berisha duke shtuar:
“Dua të them se SKAP i partisë ka të gjithë autoritetin ligjor jo vetëm të konfiskojë pronën e krimit, jo vetëm të vendosë para ligjit pronarët e saj qeveritarë, por edhe ata qeveritarë që nuk ushtrojnë kontrollin administrativ mbi këtë ndërmarrje, që është shndërruar në një gropë gjigante të zezë që përpin djersën, mundin e taksapaguesve shqiptarë.”
Në këtë situatë, në këtë përballje me këtë organizate kriminale qeveritare, Kryetari i Partisë Demokratike i bëri thirrje qytetarëve:
“Është koha, të dashur qytetarë, t’i bëjmë gjyqit publik Ramës, Agaçit, Ahmetajt dhe Velisë. Të cilët e ndjejnë se janë të pashpresë përpara jush dhe kanë filluar t’i përcjellin fajin njeri-tjetrit. Edi Rama deklaron se në rast se nuk ka filluar, pavarësisht nga dhjetëra milionë euro që janë disbursuar, djegësi i Tiranës, është përgjegjësi e atyre që kanë marrë para. Me fjalë të tjera, përgjegjësi e Erion Veliajt. Erion Veliaj deklaron se nuk ka lidhje, edhe pse Edi Rama i ka dhënë 8 përqind bonos për të fituar tenderin me negociata të mbyllura. Paçka se Erion Veliaj ka vendosur pa pyetur parlamentin e Tiranës, duke marrë pushtetin e tij, sepse donte të mbushte valixhet e tij. Pacaka se ka firmosur në emër të qarkut, pavarësisht se nuk është autoriteti i tij,” tha Kryetari i Partisë Demokratike, Sali Berisha, duke përfunduar:
“Prandaj jam këtu për të dënuar edhe njëherë këtë organizatë kriminale qeveritare dhe qëndrimin e SKAP që u shërben atyre si mburojë. Për t’u bërë thirrje qytetarëve me thirrjet e Frontit për Shpëtimin e Shqipërisë, për t’i bërë gjyqin publik kësaj organizate kriminale më të rrezikshme në Shqipëri, ndër më kriminalet në Europë dhe botë.”
