Tirana 100 vite kryeqytet

nga Orjola Pampuri

Tirana qyteti i familjeve të mëdha autoktone, qyteti i vlerave, urtësisë, kulturës e mirësjelljes. Aty ku trokitën nga veriu në jug, e diti të presë, e mirëpresë këdo.

Tirana ku gjyshërit e mi, nga Dibra e madhe dhe e vogël, u strehuan e u ndjenë si në shtëpi.

Tirana e bejlerëve, tregtarëve, profesorëve, Tirana e rrugicave me kalldrëm, ku u rritëm, e sot e kësaj dite trokitjet e tyre na ngjallin kujtime të mrekullueshme të fëmijërisë.

Tirana ku nuk ditëm të mbyllnim dyer, ku përshëndesnim me mirësi të gjithë lagjen, e ku edhe pse kaloi përmes komunizmit të egër, përsëri na ofroi diçka ndryshe përmes të cilës arritëm të mbijetonim.

Tirana kryeqyteti që kërkon ndihmë, kryeqyteti që mbahet peng nga bandat e betonit, të cilët dita ditës po i grabisin gjelbërim dhe identitet, kërkon shpresë…