Trafiku i qenieve njerëzore, shqiptari i kërkuar në Belgjikë kapet në Itali

Një 29-vjeçar shqiptar u arrestua në Monteroni d’Arbia të Italisë në bazë të një urdhër arresti të lëshuar nga autirtetet belge për trafikim të qenieve njerëzore.

Karabinierët italianë e arrestuan atë teksa po vizitonte mikeshën e tij. Karabinierët ishin të bindur se 29-vjeçari shqiptar një ditë ose një tjetër do të shkonte në fshatin e vogël toskan. Kështu që ata vendosën të vënë në vëzhgim mikeshën e tij. Burri nën urdhrin e arrestit më në fund mbërriti në Monteroni d’Arbia ku edhe u arrestua.

I riu shqiptar dyshohet për përfshirje në një grup shqiptar trafikantësh njerëzorë. Kjo organizatë kriminale merrej me futjen e paligjshme të emigrantëve në Evropë që vinin nga Azia dhe Afrika. Grupi merrej me kalimin e tyre të paligjshëm dhe kushtueshëm nga Belgjika në Mbretërinë e Bashkuar.

Në shtetin belg, 29 vjeçari rrezikon deri në 20 vite burg.