Tragjedia e Athinës, letra e një nëne që do ju përlotë/ Humbi fëmijët dhe bashkëshortin…

Të paktën 80 persona humbën jetën në një nga tragjeditë më të mëdha të dekadave të fundit në Greqi, si pasojë e flakëve që përfshinë një nga zonat periferike të Athinës, ku përfshihej edhe fshati turistik i Matit.

Mbi 180 është numri i të plagosurve, ndërsa disa dhjetra konsiderohen të humbur. Operacionet për gjetjen e këtyre të fundit vijojnë, ndërsa ditët që pasuan të hënën, pasditen e së cilës shpërthyen flakët dhe brenda pak orës shkretuan pothuajse të gjithë zonën, janë edhe më të dhimbshme.

Mediat greke pasqyrojnë historitë e njerëzve që i mbijetuan tragjedisë, por humbën të afërmit e tyre.

Njëra prej tyre është një nënë, që humbi dy fëmijët cciklistë dhe bashkëshortin.

Ajo botoji një letër ku përshkruan fjalët e fundit të fëmijëve të saj dhe përpjekjet e dëshpëruara për t’i kontaktuar ata midis kaosit në Mati.

Vajza e saj Evita u hodh nga një lartësi 15 metra ndërsa përpiqej ti shpëtonte flakëve, ndërsa vëlllai, Andrea, 11 vjeç humbi jetën bashkë me të atin Grigoris, 54 vjeç

Letra e dhimbshme u lexua gjatë një emisioni në tv grek SKAI TV.

“Po përpiqem të jem si vajza ime e vogël, e cila ishte gjithmonë luftëtare dhe përpiqej ta demonstronte kudo dhe kurdo.

E di që Grigoris do të ketë bërë më të mirën e tij për ti shpëtuar. Fakti që ai nuk mundi ishte vullneti i Zotit.

Në veshë më vjen zëri që dridhet i Andreas: kam frikë mami. Jam shumë i shqetësuar. Do të jem i fortë por dhe nuk mund të kthehem mami.

U përpoqa ti gjeja, pastaj hoqa dorë duke menduar se do të ishte më mirë të mos rrezikoja pasi kështu do i vija në ndihmë.

Nuk kam fjalë. Kam humbur çdo gjë. Përqafoni fëmijët tuaj çdo ditë”.