Tragjike/ Vajza 7-vjeçare nga Podujeva, mbytet në plazhin e Durrësit

Një ngjarje tragjike ka ndodhur sot në plazhin e Durrësit. Një vajzë 7-vjeçare është mbytur në zonën e plazhit “Iliria”.

Mësohet se fëmija 7 vjeçe E.H., banuese në Podujevë, e cila ka rrezikuar të mbytej në det, është nxjerrë nga deti nga pushuesit dhe është dërguar menjëherë në spital, por nuk ka mundur të mbijetojë.

Njoftimi i policisë:

Më datë 27.08.209, rreth orës 13:40, ka ardhur për ndihmë mjekësore në Spitalin Rajonal Durrës e mitura E.H., 7 vjeçe, banuese në Podujevë, e cila ka rrezikuar të mbytej në det. Shtetasja E.H fatkeqësisht ka ndërruar jetë në spital.

Grupi hetimor po punon për sqarimin e rrethanave të ngjarjes.