Trendi i kriminalitetit, Edi Rama: Nuk jam i shqetësuar!

Pas ngjarjeve të rënda në vend ku mbetën 9 të vrarë dhe disa u plagosën, Kryeministri Edi Rama në një dalje publike tha se nuk ishte i shqetësuar në aspektet e trendit të kriminalitetit dhe aksidentet meqë ato janë brenda një limiti ndërsa paralajmëroi zbatimin e një kornize ligjore për hapësirat në plazhe duke i bërë thirrje subjekteve që nuk kanë dokumentacionin të largohen nga sipërfaqet që nuk iu takojnë.

“Unë s’jam i shqetësuar, në aspektet e trendit të kriminalitetit dhe aksidentet. Sepse ato shikohen përtej një, dy apo më shumë ngjarjesh. Trendet janë brenda një limiti, që përcakton edhe shkallën se si kriminaliteti ulen apo ngrihen apo nëse uljet dhe ngritjet e tyre janë brenda kufijve të arsye. Natyrisht që ngjarjet e ndodhura janë tronditëse. Për turistët mos kini merak, atmosfera e një vendi ku me demek turistët nuk duhet të vijnë sepse rrezikojnë të vriten rrugëve është në ekran, jo në realitet.

Fakti tregon që turistët do të vijnë dhe do të vijnë e nuk ka asnjë ndryshim me vizitat apo pronotimet e tyre. Turistët vijnë nga vende ku ka probleme, situata të vështira dhe 1 ngjarje, 2 apo 4, tragjike, padiskutim, nuk diskutojnë nivelin e sigurisë në një vend. Duhet të kuptojmë mirë se si, është dinamika e çdo ngjarjeje, me çfarë lidhet dhe se natyrisht se çfarë do të bëjë secili,” tha Edi Rama duke e përsritur edhe sot se nuk është i kënaqur:

“Patjetër që ne nuk jemi në asnjë sekondë të kënaqur me punën tonë, me punën e strukturave tona, që nga puna ime dhe e cilitdoqoftë të atyre që duan që gjërat të ecin më mirë. Të kalojmë në ekzagjerime të kësaj natyre nuk zgjidhim asgjë. S’e di se si policia e shtetit mund të shmangë një aksident që është si rezultat i çmendurisë e një shoferi në rrugë. Nuk di se si policia mund të gjendet pas mesnate në një vend që bëjnë sherr dy fqinj. Policia e Shtetit nuk dënon, reagon, ndalon dhe çon para gjykatës persona që shkelin ligjin.

Në rast se, fjala vjen, mund të konsiderohet një arsye e një tragjedie fakti që personat e përfshirë në tragjedi kanë armë pa leje dhe patjetër që armëmbajtja pa leje te ne dënohet dhe më rëndë se sa shumë vende të tjera të Evropës, nuk është Policia e Shtetit që mund të çojë në burg, ata që çon përpara gjykatësve dhe këta s’i dënojnë as me minimumin që i jep ligji.”

Dhe, përderisa vetë nuk di sa ta bëjë punën edhe pas 8 vitesh ai ngelet Kryeministri më i dështuar në historinë e shtetit shqiptar dhe mësuesi i papërsëritshëm i mediave:

“Ju duhet të bëni demaskimin e këtyre gjyqtarëve, sepse janë fakte skandaloze që ndodhin dhe gjykatat duam s’duam ne, na pëlqejnë apo jo ne, ata që janë ende në detyrë dhe abuzojnë, nuk kanë një instrument, qeveria që ti bëjë zap dhe shumë mirë që s’i ka, sepse kemi zgjedhur të jetojmë në një vend demokratik. Duhet të gjithë të bëjnë pjesën e tyre.

Pjesa jonë është e qartë, vazhdimi i reformimit dhe të fuqizimit të rikonstuksionimit të moshës, që kanë të bëjnë me integritetin, me performancën e secilit dhe nga ana tjetër fuqizimin e policisë me teknologji në mënyrë që shumëçka në aspektin e monitorimit të territorit të bëhej më mirë. Kjo është rruga jonë. Shkelja e ligjit është përgjegjësi personale dhe kush e shkel të ndalohet dhe të dënohet. Në tërësi, po iu them përsëri, mjafton të shikoni trendet dhe shifrat e faktet na e bëjnë të qartë se cilat janë detyrat tona deh se çfarë duhet të bëjmë ne si qeveri.”

Pas ngjarjes së fundit tragjike në Velipojë ku 4 persona u vranë pas përplasjes për hapësirat në plazhe, sot Kryemnistri Rama tha se do të nisë zbatimi i një kornize ligjore për hapësirat në plazhe dhe policia do të jetë e pranishme në të gjithë vijën bregdetare.

“Duke krijuar konfuzion dhe duke krijuar premisa për konflikte. Një gjë është e padiskutueshme se ajo çka është përcaktuar si kornizë e këtij procesi do të zbatohet me hir ose me pahir. Dua që t’i bëj thirrje të gjitha atyre subjekteve që nuk janë në rregull me dokumentacionin dhe që kanë operuar me teorinë e faktit të kryer që ta largohen nga sipërfaqet që nuk iu takojnë me lidh dhe me rregull. Policia do jetë e pranishme në të gjithë vijën bregdetare dhe do të konfiskojë çdo çadër, strukturë që nuk është e përputhur me bazën dokumentare të të subjektit,” tha Rama duke iu kthyer populizmit meqë vijën bregdetare e përgjaku me qeverisjen e tij:

“Plazhet janë të popullit, të qytetarëve. Kjo skemë e re e administrimit të hapësirës së plazheve ka krijuar më shumë të ardhura për sektorin publik dhe më shumë hapësira për qytetarët që nuk dëshirojnë të jenë pjesë e hapësirave ku plazhi administrohet nga privati. Besoj që përtej disa rasteve që janë bërë publike dhe disave që nuk janë bërë publike, në tërësi baza është pozitive, por në ditët në vijim kjo bazë duhet konsultuar, që piku i sezonit, korriku dhe gushti të jenë të garantuara në këtë aspekt. Subjektet që nuk janë aty ku janë vendosur me teorinë e faktit të kryer do të largohen vetë dhe të mos humbasin dhe atë bazë materiale që kanë siguruar për aktivitetin e tyre sepse ajo do t’u merret si mjet uzurpimi i paligjshëm.”

Ndërkohë duke iu referuar aksidenteve rrugore pas shuarjes së një familje 4 anëtarëshe në aksin Vlorë-Fier, Kryeministri Edi Rama, tha se nuk është e gjitha përgjegjësi e Policisë së Shtetit, pasi aksidentet janë përgjegjësi individuale.

“A është numri aksidenteve sot, i ulët, jo nuk është, por në rrugë janë qindra mijëra individë të cilët kanë detyrën e vet karshi ligjit, familjes, sepse në rrugë mund të vrasësh dhe mund të vritesh. Mund të lësh fëmijët jetimë, ose prindërit pa fëmijë. Jam i shqetësuar në mënyrën se si ne mund të përmirësojmë punën tonë. Ngjarje që janë kulminante nga pikëpamja e numrit të viktimave të kthehen në arsye, për ta parë Shqipërinë si një vend, ku turistët duhet të kthehen, prej frikës, është e tepërt. Nuk ndihmon në adresimin e problemit real. Shikoni në sa raste Policia e Shtetit ka çuar para gjykatës shkelës të ligjit, edhe për shpejtësi. Nuk ka një sistem tjetër.

Ne s’po rrimë duarkryq, po bëhet pastrimi i gjykatave, por kjo kërkon kohë. Të gjithë do të donim të gjenim sistemin në drejtësi Francë dhe Gjermani. Për ato sisteme është punuar me qindra vite. Tani do thoni ju që koha është e gjatë, që kur ka filluar Reforma në Drejtësi dhe Vetingu,” tha Rama duke përfunduar:

“Në jetën e një njeriu 5 vite janë shumë, në shtetformimin e një shteti 5 vite janë 5 minuta. Sot Serbia dhe Mali i Zi, që janë të avancuar në procesin e negociatave, kanë detyra të lidhura me Reformën në Drejtësi që ne e kemi kryer. Shpejtësia ka qenë maksimale. Rezultatet kërkojnë kohën e tyre.”

Ai nuk mbrojti vetëm veten, pasi u pyet nëse do ta shkarkoj Drejtorin e Policisë, Ardi Veliu, pas situatës së krijuar në vend, ai mbrojti edhe Policinë e Shtetit.

“Nuk di se si të shpjegoj që rastet konkrete shihen ne kontekst. Nëse do niseshim nga rastet për të hequr njerëz, s’do kishte ngel më njeri që të merrte një detyrë. Policia e Shtetit, nuk është në asnjë situatë problematike, është në një proces rritjeje dhe fuqizimi të mëtejshëm, nuk ka problematikë më të madhe sec kishte para këtyre ngjarjeve, kur gjërat dukeshin normale.

Nëse i referohemi disa ngjarjeve me ‘ngrëniet e kokave’ duhet të shikojmë edhe aty reagimin e policisë, dhe ndalimin e autorëve. Nuk ka krizë në Policinë e Shtetit, kjo është e qartë për mua, bazuar në fakte kontekst e në trende. Puna e Policisë nuk hidhet dot poshtë se ndodhën disa ngjarje tragjike. Cfarë mund të bëjë policia mes dy fqinjve që në mes të natës, futen në një sherr dhe përfundon me fatatiletete. dini të ma thoni këtë. Në cilin vend të Botës, mund të evitohet? Nëse vijmë te armëmbajtja pa leje, kemi një legjislacion ndër më të rëndët, nga pikëpamja e dënushmërisë kemi një problem edhe vreshti nuk ruhet sa duhet nga frika e ligjit.

Nuk kam dal këtu të justifikoj asgjë, as të heq asnjë përgjegjësi nga askush, por jemi në një moment shumë të rëndësishëm të vitit. Ku kemi në ndër periudhat më të rëndësishme për ekonominë, turizmin.

Një apo dy ngjarje, janë arsye për të nxjerrë mësim, por jo për të nxjerrë arsye se këtu vdesin dhe turistët të kthehen nga rruga. Janë me mijëra raste që kanë marrë dokumetacionin dhe janë disa me konflikte. Plazhi është i qytetarëve, nuk mund ta marrësh duke ardhur nga 7 radhë më tutje e duke u imponuar.

Kjo është gjëja që ne kemi bërë e do e bëjmë deri në fund. Nuk mund të jetë gjithë plazhi një shtrat me shezllone e roje që kërkojnë lekë. Kush nuk do të paguajë, mund të rri në rërë e të mos paguajë asgjë, se është plazhi i vet si qytetar.”

E pashmangshme ishte dhe përplasja e Kryetarit të Bashkisë Lezhë, Pjerin Ndreu, me 3 efektivë të policisë të cilët bënë dhe kallëzim penal. Edhe në këtë ai mbrojti policinë por edhe ushtarin e mirë Pjerin duke e relativizuar çështjen si një prift, se të gjithë mund të gabojnë.

“Kur vjen puna tek ofendimi i policisë askush nuk ka të drejtë dhe askush nuk mund t’ia hedhë pa u përballur me ligjin kur ofendon policinë, por policisë i bëhet dhe një ofendim tjetër i vazhdueshëm kur i hidhet faji për çdo gjë që ndodh.
Do shqetësohesha nëse policia apo strukturat përkatëse nuk do kishin ndjekur rrugën ligjore. Të gjithë mund të gabojnë, rëndësi ka që në këtë rast nuk kemi ndonjë tolerim të faktit që një zyrtar i lartë ofendon një patrullë apo një grup punonjësish policie.

Ofendimi i madh që i bëhet policisë është ofendimi i përditshëm dhe përmbytja e opinionit me gjysmë të vërtetat.

Nëse do ishte kështu atëherë SHBA-të ku vriten me dhjetëra njerëz në një rast tragjik, në një moment do duhet që policia e SHBA, strukturat të çoheshin në gjyqin e fundëm popullor, por nuk ndodh kështu. Kështu që dua ta përsëris ne jemi të shqetësuar çdo ditë që puna të bëhet më mirë, por të thuhet që 1, 2 apo 3 ngjarje na e bëkan Shqipërinë një vend ku turistët mund të kthehen mbrapsht është shumë qesharake sepse faktikisht asnjë turist nuk po kthehet mbrapsht.”

Në fund, pas 8 vjet qeverisjeje, Kryeministri Edi Rama e pranoi një faj ndër strukturat e shtetit duke e cilësuar si skandaloze plagosjen e biznesmenit në Sarandë.

“Rasti i Sarandës është përgjegjësi e Policisë së Shtetit, për këtë arsye janë marrë masat. Në atë rast keni plotësisht të drejtë, sepse është fiks përgjegjësi e strukturave në Sarandë. Merrni informacionin se sa efektivë janë hetuar administrativisht dhe penalisht si rezultat i punës së bërë në Policinë e Shtetit. Rasti i Sarandës është një rast, ku s’ka përgjegjësi Gjykata, media, sa çka Policia e Shtetit. S’jam për të justifikuar asnjë. Struktura në Sarandë është ndëshkuar nga brenda policisë. Rasti i Sarandës është flagrant, pranë shëtitores, një lokal përtej orarit me muzikë. Ai është rast ulëritës për Policinë e Sarandës.”