Trump dhe Erdogan bisedojnë për situatën në Siri

Presidenti i SHBA, Donald Trump dhe ai i Turqisë, Rexhep Taip Erdogan, janë pajtuar sot të bashkëpunojnë ngushtë lidhur me situatën në Siri.

Gjatë një bisede telefonike, dy presidentët janë pajtuar se të dyja vendet kanë bashkëpunim të mirë sa i përket Sirisë, kanë bërë të ditura burime të afërta me presidencën turke, raporton RFE.

Turqia ka njoftuar ditë më parë se shumë shpejtë do të ndërmerret një operacion i ri kundër luftëtarëve kurd në Siri, të cilët Ankaraja i cilëson si terroristë. Ushtria turke deri më tani ka ndërmarrë dy operacione ushtarake kundër luftëtarëve kurd në Siri.

Kurdët e kanë mbështetjen e koalicionit ndërkombëtar të udhëhequr nga Shtetet e Bashkuara në luftën kundër xhihadistëve në Siri.