Trump-Putin, ja kur do të mbahet takimi/ Zbardhen detajet

Presidenti amerikan Donald Trump do të takohet me Presidentin rus Vladimir Putin në Helsinki, Finlandë, më 16 korrik.

Shtëpia e Bardhë zbuloi detajet e takimit të nivelit të lartë me një deklaratë të enjten në mëngjes duke thënë se “të dy udhëheqësit do të diskutojnë marrëdhëniet midis Shteteve të Bashkuara dhe Rusisë dhe një sërë çështjesh të sigurisë kombëtare”.

Këshilltari i Sigurimit Kombëtar i Shtëpisë së Bardhë, John Bolton u takua me Putin dhe zyrtarë të tjerë të lartë rusë në Kremlin në Moskë të mërkurën.