Turqi , urdhër arreste të reja për lidhjet me Gylenin

Autoritetet turke kanë lëshuar urdhër arreste të reja për 132 persona që thuhet se kanë lidhje me klerikun Fethullah Gylen, person të cilin e konsiderojnë si përgjegjës për organizimin e grusht shtetit në vitin 2016 në Turqi.

Mëngjesin e së martës janë arrestuar 30 pjesëtarë të forcave detare dhe rojeve bregdetare, për shkak të, siç thuhet, lidhjes me Gylenin.

Në operacionin e dytë, u arrestuan edhe 102 persona, duke përfshirë këtu ushtarë e personel  të sigurisë nga 23 krahina.

Deri më sot Turqia ka arrestuar 160.000  persona dhe ka larguar nga puna po aq nëpunës shtetëror pas grushtit të shtetit, thekson OKB.

Ky operacion vjen dy ditë pas zgjedhjeve në Turqi, ku presidenti Rexhep Taip Erdogan sërish mori mandatin, e partia e tij AK së bashku me aleatët  siguroi shumicën në parlament.