Turqia refuzon ekstradimin e xhihadistit më të kërkuar në Australi

Gjykata turke ka vendosur të mos e ekstradojë xhihadistin më të kërkuar australian, Neil Prakash.

Prakash është arrestuar në vitin 2016 në Turqi pasi kishte ardhë nga Siria. Më vonë ai ka pranuar pjesërisht fajin për planifikimin e sulmeve terroriste të ISIS në Australi.

Në muajin maj të vitit të kaluar, kryeministri i Australisë, Malcolm Turnbull tha se pret ekstradimin e  tij në “muajt e ardhshëm. Tani, theksoi News Corp Australia, sipas të gjitha gjasave akuzat e presin në Turqi.

“Kisha ca lidhje, por nuk jam 100 % përgjegjës”

I pyetur nga gjykata nëse është përgjegjës për planifikimin e sulmeve në Australi, vitin e kaluar Prakash u përgjigj para gjykatësit:

“Kisha ca lidhje me këto sulme, por nuk jam 100 për qind përgjegjës”.

Me këtë rast, ai tha se ishte i detyruar të filmoj propagandën e ISIS-it dhe se e braktisi atë “kur pa fytyrën e vërtetë të saj”.

Neil Prakash u akuzua për anëtarësim, mbështetje dhe promovim të organizatës terroriste.

Gjyqtari Ismail Deniz refuzoi kërkesën e prokurorit për ekstradim duke deklaruar se “gjykata nuk i ka kushtet për ekstradim”. Gjykatësi nuk dha detaje të tjera, thekson ABC. News Corp Australia duke shtuar se Prakash do të mbetet në burg në Turqi ku do të përgjigjet për akuzat për terrorizëm.

Pas këtij vendimi, Turnbull tha se qeveria australiane mund të ankohet:

“Qëllimi jonë është që të kujdesemi që Neil Prakash të mos e praktikoj më kurrë të keqen e terrorizmit.”