U çmend Rama apo Lleshaj/ Deklarata në emision, ndiqet penalisht kryetari i Bashkisë Lezhë

“Do të bllokojmë KZAZ, do ta mbyllim me çelës e nuk do të lejojmë zgjedhje…”. Kështu u shpreh Kryetarin e Bashkisë Lezhë, Fran Frrokaj, dhe kjo mjaftuar për një polici si ajo e Ish-Gjeneral Sandër Lleshajt, oficerët e së cilës shpërndajnë drogë nëpër kryeqytet dhe kanë për kryeministër Edi Ramën, të procedojnë penalisht në gjendje të lirë për veprën penale “Pengimi i subjekteve zgjedhore”.

Mirë që Lleshaj nuk di shkrim e lexim, por Kryeministri si shkronjës i shquar i fjalimeve duhet të dalloj krimin nga paralajmërimi.

“Do të…” dhe “Do ta…” nuk quhen “Pengim i subjekteve zgjedhore” sikur edhe Arta Marku të beht prokurore e çështjes e Ulsi Manja gjyqtar, edhe me “Drejtësinë që duam” me Valhutin e Rorec.

E meqë u morën me këtë punë, specialistët e Hetimit të Krimit në Komisariatin Mirditë kanë proceduar penalisht për vepra penale kundër procesit zgjedhor në vend, shtetasit A.K., 34 vjeç, banues në Mirditë; Gj.P., 28 vjeç, banues në Mirditë. Ata akuzohen se kanë dalë në institucione, kanë shkruar parulla dhe kanë fyer ata që do të marrin pjesë në zgjedhje. Materialet procedurale u referuan në Prokurorinë pranë Gjykatës Shkallës së Parë Lezhë.