Udhëtimi në dëborë, akull dhe ngricë, ekspertët e IGJEO këshillojnë…

Në prag të stinës së ftohtë të dimrit, për të gjithë ata që kanë planifikuar të udhëtojnë për Festat e Nëntorit në kushtet e motit të ftohtë, dëborës, akullit dhe ngricës, ekspertët e Institutit të Gjeoshkencave, IGJEO, ju japin ca këshilla që do ju vlejnë meqë kushtet atmosferike, si mjegulla, shiu, dëbora dhe akulli e vështirësojnë drejtimin e automjetit.

Për të shmangur rreziqet gjatë lëvizjes me makinë është mirë që të respektohen kufijtë e shpejtësisë.

Ka disa tregues specifikë të cilët duhet të mbahen parasysh, Këshillojnë ekspertët e IGJEO:

– Informohuni për motin në zonën ku do shkoni përpara udhëtimit;

– Nuk rekomandohet lëvizja pa zinxhirë;

– Evitoni në maksimum lëvizjet në orët e vona, e sidomos natën.

– Mjegulla e bën rrugën më të padukshme, ul shíkueshmërinë dhe zvogëlon mundësinë e frenimit në asfalt. Në këto raste:

– Ulni shpejtësinë;

– Ruani distancën;

– Mbani dritat gjithnjë ndezur.

Siguria gjatë udhëtimit duhet të jetë pjesë e kulturës sonë!

Në ditët me mot të keq e në kushte të vështira, ekspertët e IGJEO u rekomandojnë drejtuesve të automjeteve respektimin e rregullave të qarkullimit rrugor, si e vetmja mundësi që shmang e parandalon aksidentet, duke përfunduar:

Nga KUJDESI ka vetëm dobi!