Ultimatumi “Kosova për BE”, Vuçiç: Nuk guxojmë…

Nacionalizmi serb i ka bërë dëm më së shumti popullit serb ndërkohë kemi shpërthimin e patriotizmit në Serbi, tha Presidenti i Serbisë, Aleksandar Vuçiç ndërsa e pranoi se një plan “Ahtsari plus, plus” ekziston dhe i cili do të vjen nga Përfaqësuesi i BE që do të jetë i afërt me Berlinin, por të cilin nuk do të mund ta pranojnë por nuk do të guxojnë as ta refuzojnë.

“Do të na japin si zgjidhje diçka që nuk do të mund ta pranojmë. Jam i bindur për këtë, dhe kjo do të ndodhë brenda këtij viti. Do të japin garanci për pranim në BE, por me kushtin që ta pranojmë Kosovën, dhe do të na ofrojnë një status të veçantë për serbët në disa fusha. Dhe çka pastaj? Unë do të pyes popullin. I kam pyetur para tri viteve, dhe askush nuk pranoi,” tha Vuçiç duke folur sot në programin e mëngjesit në TV Prva ndërkohë i pyetur se çfarë do të bëjë nëse do të përballet me një ultimatum, ai u shprehë:

“Këtë do ta shikoni! Por, është e sigurt se kurrë nuk kam pranuar ultimatume, siç është e sigurt që do të bëjë përpjekje për të gjetur zgjidhjen më të mirë për popullin serb, por do të bëjë edhe përpjekje që të mos cenojë paqen dhe stabilitetin, dhe të mos e fus Serbinë në luftë,” tha Presidenti i Serbisë plotësisht i bindur:

“Deri në fund të vitit do të na ofrohet diçka që nuk do të mund ta pranojmë, por nuk do të guxojmë as ta refuzojmë,” tha Aleksandar Vuçiç duke rikujtuar se kur kishin shansin ta zgjidhim çështjen e Kosovës, këtë nuk e kanë bërë.

“Çfarëdo që të jetë, sot unë vetëm mund të hamendësoj se kjo do të jetë një iniciativë e Përfaqësuesit Special të Bashkimit Europian, për të cilin e di se kush do të jetë por që nuk mund ta ndajë me publikun, por gjithsesi do të jetë një njeri i afërt me Berlinin,” tha Presidenti i Serbisë, Aleksandar Vuçiç ndërsa përfundoi:

“Do të kemi një Plani ‘Ahtsari plus, plus’, Serbia do të ketë garanci për anëtarësim në EU, por që duhet ta pranojë Kosovën, dhe do të ketë status special për serbët.”