Unaza e Re-Protesta/ Vendimi i  Gjykatës, Antikomunistët e Përndjekur Politikë: Politikë penale e luftës së klasave!

Pas vendimit të Gjykatës së Tiranës për 11 qytetarët pjesëmarrës në protestën e 22 nëntorit para Parlamentit të Shqipëriës, ka reaguar ashpër Shoqata Antikomuniste e të Përndjekurve Politikë të Shqipërisë duke e cilësuar vendimin si politikë penale e luftës së klasave ndërsa protuestuesin e dënuar Dorjan Protoduarin, si të burgosur politik:

“Ne antikomunistët e përndjekur politikë të indinjuar nga ky vendim selektiv e politik i Gjykatës nën presionin e hapur të qeverisë  i bëjmë  thirrje institucioneve të drejtësisë të heqin dorë nga lufta e klasave  dhe të lirojnë Dorjan Protoduarin që ne e konsiderojmë si të burgosur politikë. I bëjmë thirrje  qeverisë të heq  dorë nga politikat e luftës se klasave  të trashëguar nga pasardhësit e saje  politikë, juridikë e gjenetikë,” thekson në reagimin e saj Shoqata Antikomuniste e të Përndjekurve Politikë të Shqipërisë ndërsa kërkon nga përfaqësitë  diplomatike perëndimore SHBA, BE e të tjera të ushtrojnë  presionin  e tyre  ndaj autoriteteve  shqiptare për të liruar të burgosurin politik Dorjan Protoduari.

Deklaratë

Gjykata e Tiranës ka vendosur të lirojë nga qelitë nga 10 nga 11 personat e arrestuar nga policia për protestën e dhunshme para Parlamentit të enjten e shkuar (22 tetor). Në qeli ka mbetur vetëm  Dorian  Protoduari, ndërsa ndaj 10 personave të tjerë është caktuar masa e sigurisë detyrim me paraqitje.  Ky vendim e kthen drejtësinë shqiptare  tek vendimmarrjet  sipas  politikës penale të luftës së  klasave te aplikuar ndaj kundërshtarëve politikë gjatë diktaturës komuniste .

Ne e konsiderojmë lënien në burg, vetëm të Dorjan Protoduarit, një vendim politik i gjykatës të kontrolluar nga qeveria . Protoduari është i vetmi nga të arrestuarit  qe vejn nga një familje nga me të përndjekurat politike te diktaturës komuniste në Shqipëri gjë që për ne përben edhe arsyen  e vetëm të veçimit të tij nga të arrestuarit e tjerë dhe të lënies në burg në mënyrë të pa ligjshme prej gjykatës.

Nuk është hera e parë që forcat e sigurisë dhe drejtësia e venë në shënjestër, zbatojnë politika penale të  motivuara nga lufta e klasave ndaj të përndjekurve politike antikomunistë.

Ne antikomunistët e përndjekur politikë të indinjuar nga ky vendim selektiv e politik i Gjykatës nën presionin e hapur të qeverisë  i bëjmë  thirrje institucioneve të drejtësisë të heqin dorë nga lufta e klasave  dhe të lirojnë Dorjan Protoduarin që ne e konsiderojmë si të burgosur politikë.

I bëjmë thirrje  qeverisë të heq  dorë nga politikat e luftës se klasave  të trashëguar nga pasardhësit e saje  politikë, juridikë e gjenetikë.

Kërkojmë nga përfaqësitë  diplomatike perëndimore SHBA, BE e të tjera të ushtrojnë  presionin  e tyre  ndaj autoriteteve  shqiptare për të liruar të burgosurin politik Dorjan Protoduari.

Shoqata Antikomuniste e të Përndjekurve Politikë të Shqipërisë