Unaza e Re/ Protestë para Krimeve të Rënda, sot masa e sigurisë për banorët e arrestuar

Sot, qytetarët e arrestuar pas protestës së organizuar para Parlamentit të Shqipërisë më 22 nëntor do të dalin në orën 11:00 para Gjykatës së Krimeve të Rënda për masën e sigurisë.

Nga 11 persona e ndaluar, Prokuroria ka kërkuar arrest me burg për 6 prej tyre dhe për 5 të tjerët detyrim paraqitje.

Kjo është dhe aryseja pse banorët e Unazës së Re do të zhvendosin protestën e tyre para Gjykatës së Krimeve të Rënda, ku dhe do të kërkojnë lirimin e famlijarëve të tyre.

Prokuroria kërkon arrest me burg për këta protestues: Fluturim Goleci, Ruzhdi Daci, Marsel Velillari, Dorjan Protoduari, Amarildo Sinanaj dhe Shpati Bilbilaj. Ata akuzohen për “Mbajtje pa leje dhe prodhim të armëve shpërthyese dhe i municionit”, “Kundërshtimi i punonjësit të policisë së rendit publik”, “Organizimi dhe pjesëmarrja në grumbullime dhe manifestime të paligjshme” dhe “Prishja e qetësisë publike” e kryer në bashkëpunim.

Ndryshe, pas veprimeve të dhunshme të policisë, protesta u përshkallëzua dhe përfundoi me disa qytetarë të lënduar dhe policë. Me këtë rast pësoi keq efektivja  e policisë Ina Nuka, e cila me ndihmën e Ambasadës turke u dërgua për kurim të specializuar në Turqi.