Vaksina Anti-covid, SHBA: Nuk bashkohemi me OBSH-në e korruptuar!

Shtëpia e Bardhë e ka bërë të qartë se nuk do ti bashkohet përpjekjeve globale për të siguruar vaksinën anti-covid, pasi që ky projekt ka lidhje me Organizatën Botërore të Shëndetësisë, OBSH, të korruptuar.

Më shumë se 170 shtete kanë filluar bisedimet rreth iniciativës për zhvillimin e vaksinës të njohur si COVAX, e cila tashmë ka një garanci prej 400 milionë eurosh nga Komisioni Evropian. Projekti u organizua nga Lidhja për vaksina Gavi, Koalicioni për inovacione në gatishmëri për vaksina, CEPI dhe OBSH.

Zëdhënësi Judd Deere ka sqaruar se organizata multinacionale nën ndikimin e OBSH-së së korruptuar dhe Kinës nuk do të kufizojnë SHBA-në.

“Presidenti nuk do të kursej mjetet për të siguruar që çdo vaksinë e re ti përgjigjet standardit të artë të FDA (Drejtorisë për ushqim dhe ilaçe) për siguri dhe efikasitet, që të testohet dhe të shpëtoj jetë,” sqaroi Deere. Ndryshe, ky vendim vjen pas tërheqjes së Shteteve të Bashkuara nga Organizata Botërore e Shëndetësisë në muajin korrik, duke theksuar se Pekini ka ndikim shumë të madhe në këtë organizatë ndërsa SHBA do të vazhdon strategjinë e pavarur në zhvillimin e vaksinës.