Vaksinimi në Sheshin “Skënderbej”, vaksinat kineze për të moshuarit mbi 70 vjeç

Sot në sheshin “Skënderbej” filloi procesi i vaksinimit masiv me vaksinën kineze “Sinovac”, duke filluar me të moshuarit mbi 70 vjeç, të cilët janë lajmëruar nga qendrat shëndetësore sipas rendit alfabetik. Kryeministri Edi Rama i cili ka ndjekur nga afër procesin tha se brenda majit doo të vaksinohen gjysmë milioni shqiptarë.

“Brenda majit, gjysmë milioni shqiptarë të vaksinuar. Kam bindjen e plotë se do të ecim shumë shpejt. Kemi siguruar sasi të konsideruershme. Besoj shumë që ky sezon turistik do të jetë shumë i lehtësuar si rezultat i këtyre goditjeve që i bëhet zinxhirit të infektimeve,” tha Edi Rama i cili vazhdon propagandën me vaksina duke premtuar si ministër i përjetshëm i Shëndetësisë, vaksinimin e 100 për qind të shqiptarëve deri në pranverë:

“Mbetemi të bindur që deri në pranverën e ardhshme do të jenë vaksinuar të gjithë. Por ministrja s’më lë ta them, por unë mendoj se do të vaksinohen më parë. Do të ketë vaksinime në katër turne, dhe njerëzit janë të lirë të zgjedhin nëse do të vaksinohen. Për ata që vijnë në Shqipëri nuk do u kërkohet që të kenë bërë vaksinën.”