Vala e të nxehtit në Evropë, në Spanjë 3 viktima, Lisbona theu rekordin…

Vala e të nxehtit që pushtoi  Evropën ka shkaktuar tre viktima në Spanjë. Temperaturat janë thuajse në nivel rekord, dhe do të vazhdojnë të jenë mbi 40 gradë celsius të paktën deri në fund të ditës, si në Spanjë ashtu edhe në Portugali.

Shërbimet meteorologjike të Portugalinë thanë se në kryeqytet termometri shënoi 44 gradë celcius të shtunën duke kaluar rekordin që ishte vendosur në 43 gradë celcius në 1981.

Dita më e nxehtë në Portugali është shënuar të shtunën në qendër të Portugalisë, Alvega, ku temperaturat arritën në 46.8 gradë celcius. Temperatura më e lartë në këtë shtet ka qenë  47.4 C shënuar në 2003

Në jug të Portugalisë, qindra zjarrfikës kanë luftuar me flakët në një pyll në Algarve, një destinacion popullor turistik. Dy fshatra në zonën Monchique janë evakuuar.

Mbi 700 zjarrfikës kanë shkuar në vendngjarje, dhe 11 avionë me ujë janë përdorur për të luftuar flakët, teksa temperaturat parashikohet se do të shkojnë deri në 47 gradë celsius.

Ajri i nxehtë nga Afrika e Veriut ka shkaktuar të nxehtin më të fortë në Iberia që prej vitit 2003, një prej viteve që mbahet mend si më i ashpri sa i përket zjarreve në pyje.

Në Francë, automjetet u rreshtuan në radhë në të ashtuquajturën “E shtuna e zezë”, dita me trafikun më të rënduar, teksa pushuesit nisin udhëtimet për në destinacione të ndryshme. Por, këtë vit shoqërohen me temperatura shumë të larta.