“Vazhdojmë të nxjerrim trupa të pajetë”, qyteti në SHBA si zonë lufte pas stuhisë së borës

Stuhia e borës gjatë fundjavës ka paralizuar pjesën perëndimore të shtetit të New Yorkut duke lënë të vdekur të paktën 27 persona, kanë bërë të ditur autoritetet lokale që vazhdojnë operacionin e kërkim-shpëtimit në të gjitha ato makina dhe shtëpi që kanë përfunduar nën borë.

Kreu i qarkut Erie, Mark Poloncarz, selia e të cilit është në qytetin Buffalo, tha se numri i rasteve të vdekjes është i lidhur me stuhinë ku gjatë natës ka shkuar në 14 persona, dhe ku përfshihen njerëzit e gjetur në makinat e mbuluara me borë ose nga ataku në zemër në pikun e stuhisë dhe reshjeve të dendura të borës.

Janë raportuar shumë raste të vdekjes, tha Poloncarz, por ekspertët e mjekësisë ligjore pritet të konfirmojnë nëse këto vdekje kanë lidhje me motin.

“Më kanë informuar për trupat e pajetë që janë nxjerrë dhe po i sjellin në morg,” tha ai duke shtuar:

“Kishim aq trupa të pajetë sa spitalet e ndryshme ishin detyruar të konfirmojnë nëse kishin vdekur nga stuhia e borës. Kjo është situatë e tmerrshme.”

Komisari i Policisë së Buffalos, Joseph Gramaglia, konfirmoi situatën alarmante:

“Për fat të keq, vazhdojmë të nxjerrim trupa të pajetë.”

Sipas të dhënave zyrtare, NBC News raporton se për shkak të ftohtit arktik që goditi pjesën më të madhe të SHBA, deri më tani kanë humbur jetën të paktën 60 persona, që përfshijnë dhe njerëzit që kanë pësuar në aksident trafiku.