Vetingu për Llallën, ja kur merret vendimi përfundimtar për ish-Kryeprokurorin

Kolegji i Posaçëm i Apelimit do të vendosë përfundimisht të hënën e ardhshme nëse do Adriatik Llalla do të kalojë ose jo në sitën e vettingut.

Pas dy seancave të para, Kolegji ka dëgjuar komisionerin publik, Florian Ballhysa, i cili deklaroi se Llalla megjithëse ka lënë detyrën në dhjetorin e vitit të kaluar, nuk është larguar si magjistrat dhe si i tillë ai duhet të kalojë në filtrat e verifikimit të pasurisë dhe figurës.

“Llalla e gëzon ende statusin e magjistratit për shkak se është ish- kryeprokuror. Ai nuk e ka dhënë dorëheqjen në formën e kërkuar”, tha Ballhysa.

Ndërsa avokati i Llallës, Sokol Hazizaj, u shpreh se: “parashikimet ligjore thonë se nëse subjekti jep dorëheqjen, procesi i vetingut ndërpritet. Më shumë se kaq unë nuk mund ta shpjegoj dot. Unë kërkoj lënien në fuqi të vendimit për Adriatik Llallën. Unë nuk dua ta paragjykoj vendimin tuaj, por dua që të ndiqni standardin ligjor”.