Plagoset 35 vjeçari, policia në kërkim të autorit

Një i ri është plagosur me armë zjarri në Gramsh pas një konflikti.

Sipas të dhënave të para të policië, ngjarja ka ndodhur në ambientet e jashtme të një lokali. Mësohet se shtetasi M.H. rreth 28 vjeç, banues në Gramsh, për motive të dobëta ka plagosur në kofshë, me armë zjarri pistoletë, shtetasin A.H., rreth 35 vjeç, banues në Gramsh.

I plagosuri është trasportuar në spitalin e Gramshit dhe është jashtë rrezikut për jetën.

Forcat e policisë janë vënë në ndjekje të autorit.

Ndërkohë që një grup hetimor ndodhet në vendngjarje dhe po punon për zbardhjen e plotë të rrethanave të ngjarjes që solli përdorimin e armëve.