Vetingu për Tom Ndrecën/ KPK: Ka fshehje të pasurisë…

Anëtari i Gjykatës së Lartë Tom Ndreca u përball sot me Komisionin e Pavarur të Kualifikimit, i cili përfaqësohet në këtë proces nga Brunilda Bekteshi, Roland Ilia dhe Firdes Shuli.

Sipas relatores, hetimi administrativ ka përfshirë kriterin e pasurisë dhe pastërtisë së figurës për Ndrecën.

“Hetimi paraprak administrativ përfshiu apartament 120 m katrore, garazh 18 m katrore te Muhamet Gjollesha, blerë në vitin 2003 për 2.4 mln lekë me burim krijimi të ardhurat nga paga, shitja e një apartamenti në Rrëshen dhe ndihma nga motrat dhe vëllezërit.

Apartament 74 metra katrore në Golem blerë në 2009 për 31 mije euro me burim të ardhurat e familjes. Apartament 92 m katrore te Komuna e Parisit blerë në 2015 për 6 mln lekë të ardhura nga paga.

Automjet golf blere nga e shoqja për 200 mijë lekë në 2012 me burim pagat. Depozitë bankare në emër të gruas 3 mln lekë me kursime nga paga. Depozitë personale në emrin e djalit 1 mln lekë me kursime nga paga. Llogari rrjedhëse ne emër të gjyqtarit 1.2 mln lekë me kursime nga paga. Te ardhura kesh 1.5 mln lekë nga paga”.

Relatorja tha se subjekti nuk ka deklaruar likuiditetet e gruas 1.5 mln lekë në bankë për 2016. Automjet në emër të djalit në vitin 2005. Shtesë likuiditeti 1.5 mln lekë në vitin 2006.

Në deklaratën për veting subjekti nuk ka deklaruar pasuritë: likuiditete në tre llogari në emër të gruas e dy djemve në shumën totale 113 mijë lekë. Autoveturë tjetër në emër të djalit.

Bashkeshortja dhe dy femijet kane deklaruar se nuk disponojne pasuri nderkohe qe ky fakt nuk eshte i vertete. Ata kane patur detyrim qe ti plotesojne dhe deklarojne keto pasuri edhe pse jo ne shuma te konsiderueshme. Ne perfundim KPK vlereson se deklarimi eshte i pasakte per zotin Ndreca dhe jo ne perputhje me ligjin.

KPK vlereson se subjekti ka mungese te burimeve te ligjshme financiare per likuiditetin 1.8 mln leke. Ka fshehje pasurie te luajtshme, nje automjet. Ka pasaktesi dhe mosperputhje mes deklarimeve nder vite me deklaraten per vetingun.

Lidhur me pastertine e figures, DSIK ka konstatuar pershtatshmeri per Tom Ndrecen. Hetimi paraprak administrativ ka rezultuar se me dt 11.7.2012. eshte lidhur nje kontrate shitje automjeti mes shtetasit N.Gj. dhe motres se tij, blereses, gruas se Ndreces.

N.Gj. eshte kunati i Tom Ndreces dhe eshte anetar i familjes dhe per shitjen e mjetit hyn ne rrethin e personave te lidhur. Per shtetasin N.Gj. ka pasur informacione se ka precedente penale. Ai eshte arrestuar ne 9.11.2011 eshte liruar 5.12.2011 i hetuar per prodhim dhe shitje narkotikesh.

Prokuroria e Shkodres ka marre vendim per pushim te hetimeve dhe rezulton 0.4 gram kanabis ne mjetin e tij ishte per konsum vetjak. Ndersa 6 kg kanabis te gjetura ne shtepine e tij nuk jane vertetuar se jane futur aty nga personi nen hetim ( ka argumentuar prokuroria e Shkodres).

KPK vlereson se Tom Ndreca duhet ta kishte deklaruar kunatin N.Gj. ne formularin e DSIK. Ai e ka fshehur kete fakt. KPK vlereson se Tom Ndreca ka kontakte te papershtatshme dhe eshte i papershtatshem per vazhdimin e detyres.

Tom Ndreca ne hetimet administrative ka deklaruar se e ka ditur faktin qe kunati eshte arrestuar pasi eshte kapur me kanabis por tha se “nuk kam pas dijeni se cfare eshte bere me hetimet e tij deri sa jam njohur me pushimin e tyre. Nuk kam patur qellim ta fsheh kete fakt”.