Vettingu, ja prokurorët dhe gjyqtarët që kalojnë në sitë…

Dy prokurorë dhe një gjyqtar do t’i nënshtrohen Vetingut javën që vjen. Komisioni i Pavarur i Kualifikimit ka njoftuar seancë dëgjimore më 10 korrik me gjyqtarin Admir Thanza dhe prokurorin Kostaq Beluli.

Admir Thanza, gjyqtar pranë Gjykatës së Lartë do të paraqitet në orën 09:30 të së martës (10 korrik) para trupës gjyqësore të përbërë nga: Brunilda Bekteshi, Lulzim Hamitaj, Olsi Komici.

Kostaq Beluri, prokuror në Prokurorinë e Përgjithshme do të paraqitet në të njëjtën datë në orën 14:30. Trupa gjykuese përbëhet nga: Brunilda Bekteshi, Lulzim Hamitaj, Olsi Komici.

Një ditë më pas, në 11 korrik, para KPK do të dalë Adriatik Cama, prokuror pranë Prokurorisë së Rrethit Tiranë.

Seanca nis më 10:30 dhe do të mbahet nga trupa gjykuese e përbërë nga: Genta Tafa (Bungo), Suela Zhegu, Pamela Qirko.