Vettingu/ Kolegjet e Gjykatës së Lartë në krizë, nuk formësojnë dot trupat…
Vettingu ka nxjerrë jashtë funksionit Gjykatën Kushtetuese, por ka futur në krizë edhe kolegjet e Gjykatës së Lartë.
Kështu nga Vetting-u i deritanishëm dhe vendimet e zyrtarizuara nga KPK, në Gjykatën e Lartë asnjë prej kolegjeve nuk plotëson dot numrin prej 3 anëtarë.
Kolegji Penal ka mbetur vetëm me anëtarin Edmond Islamaj, pasi dy anëtarët e tjerë të Gjykatës së lartë, Tom Ndreca dhe Artan Zeneli, nuk kaluan dot Vettingun.
Kolegji Administrativ ka mbetur me vetëm dy anëtarë, Xhezair Zaganjorin dhe Ardian Dvoranin, pasi Admir Thanza u skualifikua.
Ndërkohë në Kolegjin Civil momentalisht janë dy anëtarë që presin vendimin nga KPK, Medi Bici dhe Artan Broci, pasi Shkëlzen Selimi nuk u rikonfirmua në detyrë.
