Vettingu, ngel në klasë edhe Tom Ndreca/ KPK: Fshehu kontaktet me kunatin dhe ka probleme me pasurinë

KPK shkarkoi nga detyra anëtarin e Gjykatës së Lartë, Tom Ndreca. Vendimi erdhi pak ditë pas zhvillimit të seancës dëgjimore me gjyqtarin, i cili sipas KPK ka fshehur kontaktet me kunatin e tij, i cili është arrestuar në flagrancë me një sasi të vogël kanabis sativa dhe është liruar pasi nuk është provuar nga Prokuroria e Shkodrës se 6 kg e kanabisit të gjetura në banesën pas arrestimit i përkisnin atij.

Gjithashtu sipas KPK, gjyqtari kishte problem me justifikimin e pasurisë. KPK konkludoi se Ndreca nuk ka deklaruar disa pasuri të luajtshme, si edhe nuk justifikon një shumë kursimesh prej 1.5 milionë lekësh.

Ndreca është justifikuar se nuk kishte dijeni se arrestimi me sasi të vogël kanabisi e fut një individ në botën e krimit të organizuar.