Vezë Tigri n’Sy!
Meqë shqiptarët nuk e panë ministrin Arben Ahmetaj para bankës së të akuzuarve në çështjen “Albtelecom” për milionat e vjedhura me Hermesin e tij por u tund e shkund në ekzil, meqë mori ndërkohë nofkën “Tigri” dhe SPAK nuk mori guximin pa lejen nga Sigurimi i Shtetit që ta arrestoj për milionat e vjedhur me inceneratorët si Zv/Kryeministër Arben Ahmetaj ndërsa akuzohej edhe për projektin e Rindërtimit nga tërmeti, dhe, meqë Sigurimi nuk i futi koqet në sirtar këtij hajduti ordiner por e la sërish të degdiset në ekzil, shqiptarët do të kenë rastin t’i shohin vezët e Tigrit në Sy; Po, pra, Syrin e Popullit!
Dhe, para se të shfaqet Tigri me vezë në grusht para kamerës së syrit, propaganda komuniste nxitoi ti fus një centrifugë këtij mileti të trullosur nga milionat e vjedhura të pushtetit të Edi Ramës, duke publikuar ekskluzivitete nga më të ndryshmet se çfarë do të thotë mbrëmjen e sotme njeriu të cilit SPAK i shkundi familjen por jo dhe xhepat e tij!
Çfarë do të bëjë Tigri me vezët e tij?!
Ai për shqiptarët që vazhdojnë ti besojnë thashethemeve dhe jo drejtësisë, meqë nuk e kanë, do të kenë rastin të shohin një omletë të vetme, dhe, kot presin se dikush do ju thotë vendodhjen e kasafortës me paratë e tyre që derdhen çdo muaj në xhepat e pushtetarëve rilindas, në emër të inceneratorëve që nuk ekzistojnë, qoftë dhe në Syrin e Popullit!
Me vezët e Tigrit sot mund të gatuhet një omletë “Lali Eri” për t’i kryer një shërbim Edi Ramës dhe vetes! Kryeministrit, jo vetëm për ta qetësuar pse dishepulli i tij kapërcej ylberin drejt Alex Sorosit, por, dhe për përvetësimin tinëzar të luajalitetit të ndërtuesve të Tiranës si dhe futjes në hullitë e zgjedhjes së kandidatit për Kryetar të ardhshëm të Bashkisë Tiranë pa marrë lejen e Bossit!
Dhe, natyrisht vetes në ekzil, ku dhe u krijua përshtypja se SPAK po e kërkon! Në këtë rast, omleta është ku e ku më me vlerë se omleta më e shtrenjtë në botë “Zillion Dollar Frittada”, i cili serviret në Hotelin “Le Parker Meridien” në New York dhe kushton 1.000 dollarë!
Për omletën “Lali Eri” Tigrit nuk do ti duhet as vezë pulëbardhe, tartuf, karavidhe dhe havjar, dhe as të udhëtoj për në Amerikë, mjafton një rrëfim bindës për shqiptarët para kamerës së Syrit, ku më i pakorruptuari do të rezultoj Kryeministri i Shkodrës, Himarës dhe gjithë Shqipërisë; Dhe, Tigri do jetë i lirë!
Por, Tigri mund të servir sonte edhe omletën “Edi Rama” që ka dedikim pak sa më të ndërlikuar, me çmim që do ta xhelozonte edhe Le Parker Meridien, McGonigal, Sigurimi i Shtetit, dhe, pse jo ordinerët e SPAK-ut; Dhe, natyrisht për shije, zili për çdo pulbardhë, tartuf, karavidhe dhe havjar që do shikojnë omletë të prodhuar edhe nga politika!
Kujt do ti shërbej kjo lloj omlete dhe pse duhet një socialist ti bëjë publike vjedhjet dhe manipulimet e Edi Ramës?! Kjo nuk është pyetje një milion dollarëshe, por, me shumë kënaqësi, omletën “Edi Rama” do ta shijojnë të gjithë ata socialistë që nuk i takojnë sektit të rilindjes dhe nuk u përfshinë nga Edi Rama në përfitimet 10 vjeçare të këtij pushteti!
Tigri mund të buzëqeshë dhe vjedhë së bashku me Edi Ramën, por, ai kurrë nuk ishte miku i tij sepse thjeshtë është nanoist!
Në momentin kur Edi Rama shiti Saimir Tahirin ai ishte një mesazh i qartë për gjithë kabinetin qeveritar se si qeverisë ky njeri i sprovuar edhe në Bashkinë Tiranë, dhe, natyrisht për Tigrin e sprovuar me Fatos Nanon, që la pushtetin, por, jo dhe ministrat nën rrezikun e prangave! Mes kompanisë “Hermes” së Arben Ahmetajt dhe kompanisë shtetërore “Albtelekom” kishte një marrëveshje për marrëdhëniet e interkonjeksionit që mundësoi dhe vjedhjen e miliona eurove, por, dhe tranzicioni i qetë i pushtetit kishte një marrëveshje interkonjeksioni që Tigri nuk e harron dot ndonëse nuk i besoi; Por, u kthye i lirë në atdhe!
Në fund, gjithsesi, sot shqiptarët kanë në meny vezë Tigri n’Sy! Se cilën omletë do t’a shohin shqiptarët, kjo nuk do të varet as nga Tigri, as nga Syri TV, jetojmë në Tironë!
Sonte, jo Karma por Kuzhinieri është kurvë…
