VIDEO/ Alibeaj: Gjyqtari i zbuluar nga SHISH si i korruptuar, u konfirmua në detyrë me urdhër të Ramës
Partia Demokratike ka denoncuar sot një tjetër rast, sesi një gjyqtar për të cilin thuhet se ka prova se është përfshirë në korrupsion, kaloi Vettingun. Sipas PD-së, bëhet fjalë për Ilir Toska, kandidatin e socialistëve për KLGJ.
Enkelejd Alibeaj në një konferencë për mediat nga selia e PD-së denoncoi vendimmarrjen më të fundit, kur nga proçesi i Vettingut, ka reyultuar rikonfirmimi në detyrë i gjyqtarit Toska.
Alibeaj tha se “Edi Rama vazhdon ti thotë shqiptarëve si po pastrohet pallati i drejtësisë, por hesht kur gjyqtarë të konfirmuar rezultojnë “të kapur”.
Një prej tyre është Ilir Toska, kandidat i Ramës për KLGJ, i cili është vlerësuar nga shërbimet inteligjente se duhet shkarkuar nga organet e Vetingut.
Toska rezulton si individ i mundëshëm për t’u vënën presion nga strukturat kriminale, por ai u konfirmua nga Vetingu me urdhër të Edi Ramës.
Toska ka me zë dhe figurë se është përfshirë në korrupsion. SHISH u kishte dërguar autoriteteve më të larta të kohës, ish-presidentit Alfred Moisiu dhe ish-ministrit të Drejtësisë, Fatmir Xhafajt, se ai kishte marrë para për të më mos dhënë masë disiplinore ndaj një gjyqtari të korruptuar. Por ai u konfirmua në detyrë. Ky nuk është rasti i vetëm.
PD do të vazhdojë të bëjë transprencën e procesit të korruptuar politikisht nga Edi Rama në vazhdën e projektit mafioz të kapjes së drejtësisë”.
