VIDEO/ Arrestohen 4 shqiptarë, grabisnin banesat në Madrid dhe Barcelonë

Një grup shqiptarësh, të dyshuar për grabitjen e disa banesave në Barcelonë dhe Madrid, u arrestua nga policia spanjolle.

Mediat vendase raportojnë se të arrestuarit janë 4 shqiptarë të moshës 24-33 vjeç, të cilët rezultojnë sipas policisë spanjolle, me preçedentë të mëparshëm penalë.

Mediat shkruajnë se banda grabiste banesat teksa familjarët ndodheshin në to. Hetimet nisën muajin e kaluar, ku gjatë një grabitjeje të realizuar në Madrid u plagos me armë zjarri i zoti i shtëpisë.

Shqiptarët akuzohen për vjedhje të ngjashme edhe në Barcelonë, ndërsa synon bixhutë e shtrenjta ose kasafortat.

Mediat shkruajnë se banda përdorte dhunën ndaj personave që gjente në banesat që më parë piketoheshin se do të grabiteshin.

Shqiptarët, identiteti i të cilëve nuk bëhet i ditur nga raportimet e mediave spanjolle, u arrestuan në Barcelonë dhe Santa Coloma de Gramenet.