VIDEO/ Belgjika mposht Anglinë dhe merr medaljen e bronxtë në Botëror…

Belgjika ka fituar 2-0 ndaj Anglisë duke marrë vendin e tretë në Kupën e Botës.

Gjatë shumicës së kohës, belgët, kanë kontrolluar pa shumë probleme anglezët, që vetëm nëpërmjet goditjeve standarde janë treguar të rrezikshëm.

Ashtu si në dy ndeshjet paraardhëse, Belgjika e nisi shumë mirë ndeshjen dhe gjeti golin që në minutën e 4’.

Dy lojtarët e krahëve Chadli dhe Meunier gjejnë njëri-tjetrin me të fundit që shtyn topin në rrjetë. Belgët nuk e ulin ritmin dhe kanë disa mundësi të tjera për të thelluar diferencën, ndërsa Anglia duket e përgjumur dhe ndryshimet e shumta nuk kanë ndikuar për mirë.

Pas pushimit, anglezët rrisin ritmin dhe fillojnë të krijojnë mundësi goli. Gjithsesi belgët mbeten të rrezikshëm në kundërsulm, por janë tepër të pasaktë përpara portës.

Mundësia më e mirë e Tre Luanëve vjen nga Dier i cili vetëm për vetëm me portierin Courtois godet mirë, por Alderweireld shpëton portën e tij.

Në minutën e 82’ vjen goli i nokautit për Anglezët. Eden Hazard dyfishon rezultatin duke i dhuruar të tijve vendin e tretë në Kupën e Botës.