VIDEO/ Bushati i kënaqur: Ia kaluam Maqedonisë për integrimin…

Ministri i Punëve të Jashtme dhe Europës, Ditmir Bushati, drejtoi gishtin e akuzave ndaj opozitës, në lidhje me negociatat mes Shqipërisë dhe BE-së.

“Kriteret dhe elementet që janë vendosur për Maqedoninë nga BE janë më të detajuara sesa ato të vendosura për Shqipërinë”, tha Bushati, duke shtuar se Shqipëria ka bërë më shuma hapa drejt integrimit sesa Maqedonia. Por sipas tij, opozita maqedonase nuk shkon kafeneve të Bundestagut për të sharë vendin e saj, sikundër bën opozita në Shqipëri.

“Javës që shkoi dëgjova kryetarin e PD që tha se Bundestagu mori vendim dhe negociatat nuk hapen, por hapen me Maqedoninë. Më pas, doli dhe Padrinua me fytyrën e vdekjen dhe me gëzim u thoshte njerëzve që u bllokuan dhe kaloi Maqedonia”, tha Bushati.

Në vijim, Bushati theksoi se Këshilli i BE-së ka përcaktuar qartë një afat kohor, qershorin e vitit 2019, si dhe rrugën e instrumentet e përgatitjes së rrugës për këtë proces, duke i kërkuar Komisionit fillimin e përgatitjeve për procesin e negociatave.