VIDEO/ Bylykbashi: Rama ngeli në provimin e maturës, fajin e ka mësuesi…

Edi Rama dhe qeveria e tij ngelën në provimin e maturës. Kështu u shpreh deputeti demokrat Oerd Bylykbashi gjatë fjalës së mbajtur në Kuvend, duke iu referuar vendimit për shtyrjen e negociatave me të paktën 1 vit nga ana e Bashkimit Europian.

“Këshilli Europian i tha Ramës “bravo, ulu, katër, hajde pas një viti!” Ky është verdikti, le të kënaqet edhe Ministri i Jashtëm.

Po po, edhe Gjushi është për të ngelur në klasë , po është për të ngelur në vend tjetër, mbas hekurave!
Edi Rama kurrë nuk pranon përgjegjësinë. E ka fajin mësuesi i vështirë, provimi është më i vështirë se ç’kam bërë testimin, shokët që kërkojnë me kopju, po kurrë s’e ka ai vetë.

Do ta dëgjoni gjatë. Por BE ia mbylli Shqipërisë derën edhe për një vit, do s’do Ministri i Jashtëm.

Madje i ka thënë t’i bjerë nga një shteg më i gjatë, me kushte më të vështira”, tha Bylykbashi.