Video/ E frikshme, ja lufta me COVID 19 në Bergamo

Për COVID 19 është folur shumë ashtu si dhe për infektimin dhe viktimat që ka shkaktuar e ku dominojnë ato në Wuhan të Kinës dhe Bergamo të Italisë. Janë publikuar video dhe foto nga shumë vatra të koronavirusit, por, për të kuptuar luftën e vërtetë me koronavirusin, sot e përditshmja britanike “Daily Mail” sjell pamje nga reanimacioni në Bergamo, aty ku mjekët po luftojnë me këtë armik të padukshëm ndërsa pacientët në mungesë të oksigjenit nuk kërkojnë asgjë më shumë, pak jetë.

Mjekët në këtë rajon raportohet se po e quajnë shpërthimin vdekjeprurës “Apokalips”, pasi vendi regjistroi 427 vdekje të reja brenda 24 orësh duke e bërë atë epiqendrën e re të krizës me 41,000 raste të infektuarish.

Sipas Sky News, fluksi i pacientëve në urgjencë është një “konstante absolute” dhe pandemia është një “emergjencë katastrofike” e cila është “jashtë kontrollit”.

Dr.Roberto Cosentini i tha Sky News se COVID-19 nuk është si gripi i zakonshëm, duke thënë: “Jo, është krejtësisht tjetër gjë. Më shumë pneumoni sesa grip … është një pneumoni shumë e rëndë dhe kështu është një shkaterrim masiv për çdo sistem shëndetësor”.