VIDEO/ Kryebashkiakja e Sarandës humbet qetësinë, ja si komunikon me…

Kryetarja e Bashkisë së Sarandës, Floriana Koka, gjatë një takimi me disa prej shitësve ambulantë, të cilët e ushtrojnë aktivitetin e tyre në shëtitoren e qytetit, ka treguar se dhe ajo mund ta humbasë qetësinë.

Me anë të një vendimi, Bashkia ka vendosur largimin e tyre dhe për këtë tregtarët kanë kërkuar një takim.

Por gjatë fjalës së saj ajo është parë disa herë që të nervozohet, dhe i ka rënë dhe tavolinës.

Pjesë nga debati

Koka: Kur shet mallra, le të vij tek vendi që është vendosur. Nuk ka vend për njerëz të llastuar në këtë qytet, ka vend për njerëz punëtorë. Të do dalësh fare, se unë e kam marrë këtë vendim, dhe ta pranosh këtë zgjidhje. Qyteti nuk është vendi juaj është vendi i të gjithëve. Prandaj ju kemi bërë atë vend që është mrekullueshëm. Të llastuarit le të rrinë në shtëpitë e tyre.

Qytetarja: Ti ke ardhur dje në qytet.

Koka: Unë erdha dje?!

Qytetarja: A e ke parë atë tregun tonë?

Koka: Atë tregun që e keni bërë paçavure.