VIDEO, protesta e artistëve kundër shembjes së Teatrit/ Analistët: Rezistëncë kundër hajdutërisë

Ka vijuar edhe pasditen e sotme protesta e artistëve dhe aktorëve, e mbështetur nga qytetarët, kundër pr/ligjit të qeverisë për shembjen e godinës së Teatrit Kombëtar.

Sot në mbështetje të artistëve kanë dalë analistët Mark Marku dhe Agron Gjekmarkaj.

Marku tha se kjo është një rezistencë me rrathë koncentrik, nuk janë numrat gjithmonë ato që vendosin.
Ju po na mbroni edhe ne me këtë që po bëni. Teatri është thelbi i qytetërimet. Mua më vjen mirë që shikoj se artistët, janë bashkuar edhe pse kanë shumë ndasi.

Vetë ideja për Teatrin e ri është fyese. Kur merret një vendim për këtë zhvendosje. Në kuptim simbolikë, tregon se çfarë po na ndodh ne si shoqëri. Fakti që është e vjetër është argument për tu mos prishur ky teatër. Artistët po humbasin veten e tyre, ndërsa ne po mbrojmë veten. Nuk po mbrojmë artistët, por po mbrojmë veten. Artistët po i japin dinjitet këtij vendi.

Unë mendoj se ju keni fituar, ata nuk e shembin dot Teatrin. Edhe 3 veta të jemi këtu, nuk e shembin dot se do ta shikojnë të gjithë dhe për këtë ata kanë frikë”, u shpreh Mark Marku.

Ndërsa Gjekmarkaj e ka cilësuar një hajdutëri të pastër, dhe një goditje që i jepet artit, vendimin për shembjen e Teatrit.

“Nëse ky teatër shembet, i bie që është kryer një përdhunim publik që është bërë në sy të të gjithëve. Qeveria duhet ta mbronte ta subvenciononte. Nëse shoqëria e fiton këtë betejë do të thotë se është ftuar një beteje me demokracinë dhe me standardet e tjera”, u shpreh Agron Gjekmarkaj.