Video/ Një i çmendur, një PS e çmend: Nuk dënojmë genocidin serb, pengon Ballkanin e Hapur
Deri më sot refuzimi i Rilindjes për të dënuar genocidin serb si në Bosnje ashtu dhe në Kosovë, rivalët e Edi Ramës e ndërlidhnin me mos prishjen e marrëdhënieve të qeverisë së Tiranës me atë Beogradit. Por tashmë kjo nuk është më insinuatë por qëndrim zyrtar i PS-së
Ndonëse Rezolutat, si ajo që dënon genocidin serb në Bosnje ashtu dhe ajo për Kosovën, nuk u miratuan si pretekst i firmës së Sali Berishës si person non grata në kërkesë, refuzimin e tyre Nënkryetarja socialiste e Parlamentit, Ermonela Felaj, duke sqaruar në emisionin “Open” e lidh me merakun se mos dëmtohet projekti i Open Balkan.
“Kjo modë për të bërë rezoluta është një mënyrë për t’i rënë ndesh Open Balkan, sepse dihet që opozita është kundër këtij projekti!”
A është risi, dashuria e Partisë Socialiste me Serbinë?! Në asnjë mënyrë vetëm se tani mjaftoi që Edi Rama të jetë serbofil nga kjo gjeneratë e re socialiste dhe të serbizohen që të gjithë, ose siç e thoshte shumë kohë më parë, Patriarku i PS-së, Dritëro Agolli: Një i çmendur të gjithë i çmend!
