VIDEO/ Pas Messit edhe Ronaldo i jep fund Botërorit: Uruguaji eleminon Portugalinë…

Dy gola të Edison Cavanit i kanë mjaftuar Uruguajit që të kualifikohet për 1/8 e Kupës së Botës, duke çuar në shtëpi Cristiano Ronaldon dhe ekipin e tij, Portugalinë.

Kështu pas Messit dhe Argjentinës, një tjetër yll i futbollit botëror, Ronaldo, i jep fund aventurës në Kupës e Botës, Rusia 2018.

Dy golat e Kavanit, vendosën gjithçka për ekipin e Oskar Tabarez, ndërsa për portugezët shënoi Pepe.
Pjesa e parë e ndeshjes ishte thuajse e barabartë nga të dyja kombëtart, me Portugalinë që mbante posedimin e lojës dhe me Uruguain që krijonte rastet.

Megjithatë, ishin vetëm uruguaianët, të cilët gjetën rrugën e rrjetës me anë të Edinson Cavanit, i cili shënoi në minutën e shtatë për 1-0 pas asistimit perfekt nga Luis Suarez.

Në pjesën e dytë, Portugalia arriti të kthehet shpejt në lojë pasi në minutën e 55-të ishte Pepe, i cili barazoi rezultat në 1-1 pas asistimit të Raphael Guerreiro.

Gëzimi i portugezëve zgjati vetëm shtatë minuta pasi në minutën e 62-të ishte përsëri Cavani që gjeti rrugën e rrjetës me një gol të bukur për 2-1.

Deri në fund të ndeshjes, Portugalia u mundua me gjitha forcat ta gjej rrugën e rrjetës për golin e barazimit, por nuk e gjetën atë dhe u mposhtën në fund me rezultat 2-1.

Pas kësaj fitore, Uruguai e sheh vetën në çerekfinale të Kupës së Botës, ku do të ndeshen me Francën.