Video/ Përplasen 134 makina, 1 i vdekur e dhjetëra të plagosur

Të paktën 134 makina janë përplasur në një autostradë në Japoni, kur ky aks rrugor u përfshi nga një stuhi bore. Për pasojë humbi jetën një person ndërsa dhjetëra mbetën të plagosur, raportojnë autoritetet.

Në këtë aksident të rëndë trafiku u përfshinë rreth 200 njerëz, 12 prej të cilëve janë në gjendje të rëndë, raportoi Agjencia për menaxhimin e katastrofave. 

Autoritetet kufizuan shpejtësinë e lëvizjes 50 km/orë pasi reshjet e borës ishin të dendura por kjo nuk mjaftoi që të parandalohet kastastrofa.

Kjo ngjarje e rëndë ndodhi rreth mesditës në autostradën Tohoku në prefekturën Miyagi, ku vendi i përplasjes shkoi me shtimin e makinave në gjatësi deri në rreth një kilometër. 

Operacioni i shpëtimit vazhdonh, tha Sekretari i Përgjithshmëm i Kabinetit, Katsunobu Kato.

Ndryshe, në disa pjesë të Japonisë, gjatë ditëve të fundit kishte reshje të dendura bore që nuk janë parë më parë.