VIDEO/ “Ruleta ruse” eleminon Rusinë, Kroacia në 1/4 e finales

Kroacia eleminoi me penallti Rusinë, duke siguruar një vend në gjysëmfinalet e Kupës së Botës. Kroatët do të përballen me Anglinë, kurse në sfidën tjetër ballafaqohen Franca me Belgjikën.

Ndeshja në kohën e rregullt përfundoi 1:1, ndërsa pas shtesave 2:2. Rusia dhe Kroacia do të provonin sërisht provën e penalltive, përmes të cilave më parë kishin eleminuar Spanjën dhe Danimarkën.E veçanta është se vetëm këto dy ekipe, rusët dhe kroatët, kishin provuar për 1/8 fatin nga pika e bardhë e penalltive, duke eleminuar spanjollët dhe danezët.

Në minutën e 32-të, Kroacia pësoi gol të papritur. Denis Denis Cheryshev nga rreth 22-23 me një goditje të fortë la të shtangur portierin Subashiç, 1:0.

Kroatët ky gol i këndelli dhe në minutën e 39-të, Mario Mandzukic futet në 16-sh, i cili nga pozita fundore harkoi për mrekulli, kurse Andrej Kramariç reagoi edhe më bukur me kokë, nga afërsia barazoi rezultatin 1:1. Në pjesën e dytë përkatësisht në minutën e 52-të, Kramariç në mënyrë akrobatike goditi bukur por nuk e befasoi portierin rus. Në minutën e 60-të, Ivan Perishiç nga afërsia, në pozitë ideale, goditi furishëm, por shtylla ka qenë aleat i rusëve, që mbrojtja e të cilëve ishte edhe e hutuar.

Ndeshja në kohën e rregullt përfundoi baras (1:1) dhe pas dy shtesave nga 15 minuta u tregua lojë shumë e mirë.

Në minutën e 101-të, Kroacia kaloi në epërsi duke iu falënderuar golit te Domagoj Vida, goditja e të cilit me kokë u përcoll me shikim nga portieri Akinfeev, 1:2. Kur pritej se Kroacia do të triumfonte, vjen goli i barazimit (2:2) pikërisht në minutën e 115-të, kur Mario Fernandes shënoi me kokë pas harkimit të Alan Dzagoev. Kroacia ngadhwnjeu me penallti me rezultyat 4:3.

Nga penalltitë shënuan për Rusinë: Dzagoev, Ignashevich, Kuzyayev; dështuan: Smolov, Fernandes. Nga penalltitë shënuan për Kroacinë: Brozoviç, Modriç, Vida, Rakitiç; dështoi: Kovaçiç.

Më 10 korrik, Franca luan me Belgjikën (20.00) dhe me 11 korrik Kroacia-Anglia (20.00).

Kjo do të thotë se finalja e Kupës së Botës do të jetë tërësisht europiane, çka do të thotë se trofeu më i rëndësishëm do të mbetet në Europë.

Rusia-Kroacia 3:4 me penallti

Stadiumi “Fisht Olympic”, Sochi.

Shikues: 44287

Gjyqtar: S. Ricci S. (Brazili).

Shënues: Cheryshev (31′), Fernandes (115′) – Kramariç (39′), (Vida 101′).
Nga penalltitë shënuan për Rusinë: Dzagoev, Ignashevich, Kuzyayev; dështuan: Smolov, Fernandes. Nga penalltitë shënuan për Kroacinë: Brozoviç, Modriç, Vida, Rakitiç; dështoi: Kovaçiç.

Kartonat e verdhë: Gazinskiy – Lovren, Striniç, Vida, Pivariç.

Rusia: Akinfeev, Fernandes, Kutepov, Ignashevich, Kudryashov, Zobnin, Kuzyayev, Samedov (Erokhin 54′), Golovin (Dzagoev 102′), Cheryshev (Smolov 67′) dhe Dzyuba (Gazinskiy 79′).

Kroacia: Subashiç, Vrsaljko (Corluka 97′), Lovren, Vida, Striniç (Pivariç 74′), Rakitiç, Modriç, Rebiç, Kramariç (Kovaçiç 88′), Perishiç (Brozoviç 63′) dhe Mandzukic.