Video/ SHBA i dhurojnë Kroacisë dy helikopterë me vlerë 50 milionë dollarë
Qeveria e Shteteve të Bashkuara ka miratuar donacionin e dy helikopterëve Black Hawk UH-60 M për Republikën e Kroacisë.
Ky donacion përfshinë dy helikopterë të rinj të pajisur me fjalën e fundit të teknologjisë e që në Kroaci duhet të arrijnë në vitin 2020.
Mediat kroate informojnë se dy helikopterët amerikan Black Hawk të serisë M dje kanë aterruar në Zagreb dhe sot do ti prezantohen opinionit publik.
Dy helikopterët në fjalë, në sistemin ushtarak të Kroacisë do të futen në vitin 2020 kur në shtetin kroat mbërrijnë edhe dy avion F-16 nga Izraeli ndërkohë do të kenë në dispozicion edhe helikopterët sulmues Kiova.
Vendimi i qeverisë amerikane për dhurimin e dy helikopterëve shumë funksional është edhe një dëshmi e partneritetit strategjik SHBA-Kroaci.
Kujtojmë, Kroacia së bashku me Shqipërinë, si pjesë e projektit amerikan A-3, u bënë shtete anëtare të NATO, por shteti shqiptar disa herë ka kundërshtuar politikën e jashtme amerikane në institucionet ndërkombëtare, gjë që nuk ka ndodhur me shtetin kroat. Se cilat janë marrëdhëniet në mes të këtyre dy shteteve, Kroaci dhe Shqipëri, me SHBA dëshmon edhe kjo dhuratë e fundit.
Ndryshe, një vit më parë, kur ministri kroat i Mbrojtjes, Damir Kërstiçeviç e bëri publik lajmin për dhuratën amerikane të dy helikopterëve Black Hawk UH-60, tha se ata do të jenë pjesë e Forcave Speciale. Fjala është për helikopterin Black Hawk UH-60 M shumë funksional i cili mund të përdoret për sulme ajrore, evakuim të plagosurve, vëzhgim, transportin e ushtarëve, kontrollin e kufirit dhe shuarjen e zjarrit.
