Video/ Stambolli goditet nga një tërmet me magnitudë 5.7

Stambolli është goditur nga një tërmet me magnitudë 5.7 të shkallës Rihter me epiqendër në Detin e Marmarasë, në ujërat e rrethit Silivri, njoftoi Drejtoria për Menaxhimin e Katastrofave dhe Emergjencave, AFAD, raporton Agjencia e lajmeve “Anadolu Agency”, AA,.

AFAD bëri të ditur se tërmeti ka ndodhur në thellës prej 6.99 kilometra dhe 21.68 kilometra larg rrethit nga Silivri.

Ndërsa Qendra Sizmiologjike Mesdhetare, EMSC, raporton për një tërmet nër 12:59 me magnitudë 5.7 dh ethellësi 7 km, 23 km nga Marmarasë dhe 66 km nga Stambolli.

Ndërkohë, si pasojë e tërmetit që ka shkaktuar panikë në mesin e qytetarëve, në rrethin Avcılar është rrëzuar minareja e një xhamisë.

Raportohet se ekipet e Drejtorisë për Menaxhimin e Katastrofave dhe Emergjencave janë terren dhe pritet konstatimi i saktë i dëmeve ndërsa kryebashkiaku i Stambollit, Ekrem Imamoglu, përmes një njoftimi në rrjetin social Twitter tha se nuk raportohet për viktima dhe dëme serioze.