Video/ Sulmi terrorist serb në veri të Kosovës, mobilizim shqiptar nga Sanxhaku në Zhulat

Pas sulmit terrorist serb në veri të Kosovës, vetëm Presidenti i Serbisë, Aleksandar Vuçiç, dhe ushtari i tij besnik dhe udhëheqësi i këtij grupi terrorist, Milan Radoiçiç, folën për terrorin e regjimit të Albin Kurti dhe efektin mobilizues që dha ndër serbë ky aksion! Por, realiteti rezluton krejtësisht ndryshe!

Serbët nuk çanë kokën pse mbeti i vrarë polici Afrim Bunjaku por mbetën të zhgënjyer pse duhet të përdhoset një shtëpi e zotit deri në depo armësh, dhe legjenda urbane se Radoiçiç është njëri ndër njerëzit më të pasur në Serbi, u rezultoi pas pamjeve të transmetuara të shtëpisë së tij të konfiskuar, të jetë reale!

Pra, që je një njeri pa nivel në Serbi si Milan Radoiçiç, nuk ka lidhje nëse je i afërt me Vuçiçin!

Nga ana tjetër, vrasja e policit Afrim Bunjaku nga terroristët serbë i dha të drejt Kryeministrit të Kosovës, Albin Kurti, karshi ndërmjetësve Lajçak, Escobar dhe Borrell që kërkonin largimin e Njësisë Speciale nga veriu, pasi rezultoi që aty vepronin terroristët serbë!

Dhe, qëndresa e Policëve të Kosovës deri në përndjekjen e terroristëve serbë nga veriu mobilizoi shqiptarët nga Pazari i ri ku u tha se po fshehet Milan Radoiçiç i plagosur, deri te djemtë e Kanunit të Idriz Sulit që i thurën lavde Heroit Afrim Bunjaku me mesazh të qartë:

Çfarë do të thotë të vdesësh për flamur, këtë burrat e Zhulatit nga Grupi Polifonik “Saranda” e shprehën me pak fjalë ashtu siç e e ndjenë sot çdo shqiptar i gatshëm ta mbrojë Kosovën sikur Afrim Bunjaku!

Pse nuk e kupton këtë gjë kaq të thjeshtë Aleksandar Vuçiç dhe vëllau i tij Edi Rama edhe kjo është e thjeshtë: Këtë ndjenjë natyrale që e kanë shqiptarët për flamurin kombëtar dhe çdo pëllëmbë të tokës shqiptare, serbët, Vuçiç dhe Rama, nuk e kanë për flamurin e tyre kombëtar sepse edukata e tyre familjare dhe kishtare u thotë se sa të jetë jeta duhet të jenë në shërbim të flamurit rus dhe nënës Rusi!