Video/ Velipojë, IKMT, dhunë dhe turizëm!

Aksioni i IKMT për prishjen e ndërtimeve pa leje në Velipojë sot është shoqëruar me përplasje të forta në mes të pronarëve dhe policisë. Pronarët kanë kundërshtuar prishjen ndërsa kanë kërkuar dhe vendimin për prishjen të cilën IKMT nuk e posedonte.

Kjo ka bërë që përplasjet të jenë të forta, policia të përdorë dhunë të shfrenuar, ku kishte dhe qytetarë të lënduar madje një grua ka humbur dhe ndjenjat.

Por policia nuk përfundoi me kaq. Përdori gaz lotsjellës, arriti të largojë njerëzit dhe në fund prishi objektet.

Ankesat e pronarëve se se janë në procese ligjore për legalizimin e tyre nuk i dëgjoj njeri ndërsa propaganda mediatike e Edi Ramës u përqëndrua te prishja e e objektit në pronësi të Ish-Kryetarit të Komunës dhe Kryetarit aktual të PD Dega Velipojë, Nikoll Marku, i cili tha se prishja është bërë për arsye politike.

Sot, Kryetarja e Bashkisë Shkodër, Voltana Ademi, e cila kërkoi që prishjet të shtyhen pas seozonit veror duke pasur parasysh edhe krizën në turizëm ndërsa aksionin e IKMT e cilësoi të paligjshëm dhe paralajmëroi padi.