“Viti i sigurisë rrugore”, Balluku: Ka ndryshime por mungon ndërgjegjësimi qytetar!
Ministri i Brendshëm, Sandër Lleshaj, ministrja e Infrastrukturës, Belinda Ballu, Drejtori i Policisë së Shtetit, Ardi Veliu, kryebashkiakët dhe eskpertët e fushës ishin sot pjesë e një tryeze për sigurin rrugore ku Ministrja e Infrastrukës Belinda Balluku e bëri të ditur se viti 2020 është shpallur edhe si vit i sigurisë rrugore. Shifrat e aksidenteve janë ulur, ka ndryshime por kërkohet ndërgjegjësimi i qytetarëve, tha Belinda Balluku sa i takon respektimit të rregullave të trafikut.
Drejori i Policisë së Shtetit, Ardi Veliu, në fillim të fjalës së tij tha se aksidentet rrugore janë shqetësimi më i madh për policinë shqiptare ndërsa tregoi se cilat janë ato njolla të zeza në rrugë që kanë sjellë pasoja fatale për jetët e njerëzve.
“Rrethrrotullimin pranë qendrës tregtare në rrugën që të çon në Elbasan vetëm në 3 muaj ka pasur 7 aksidente me pasoja fatale.
Po ashtu edhe rrethrrotullimi i Kolonjës në 2 muaj ka pasur 5 aksidente me pasoja fatale.”
Numri më i madh i aksidenteve, sipas Ardi Veliut, ndodhin ditën e hënë, 283, të premten 230 dhe 214 të dielën.
Ndërsa për orarin kur ndodhin më shumë aksidente, Veliu tha se janë oraret kur qytetarët nxitojnë të kapin orarin e punës apo kur dalin prej saj.
“Janë oraret 8 me 12 dhe 14:17 ku koicidon dhe me largimin nga puna e shoferëve”.
Ministrja e Infrastrukturës dhe Energjisë, Belinda Balluku, fillimisht kishte një vërejtje:
“Shoh që jam e vetmja femër në këtë takim, duhet të respektojmë barazinë gjinore edhe në këtë nivel!”
Dhe, vazhdoi fjalën e saj lidhur me temën e tryezës kur enditi masat e marra si dhe ndryshimet që janë evidentuar, por, tha Balluku, kërkohet edhe ndërgjegjësimi nga drejtuesit dhe këmbësorët:
“Kemi ndërhyrë në të gjitha akset rrugore, kemi patur mbështetje të BB që prej kohësh aplikohet por gjatë 2019 i kemi dhënë fokus të madh mirëmbajtjes. Gjithcka, cdo ndërhyrje ne e masim me rezultate. Shifrat kanë ndryshuar, janë më pak, por kërkohet edhe ndërgjegjësim nga drejtuesit. Kemi nisur evente sensibilizuese sa i përket rregullave, kemi investuar te fëmijët, vendosja e rripit, celulari nuk përdoret në makinë, ndalojmë në semafor, edhe këmbësorët kanë të njëjtën përgjegjësi. Jemi ndodhur para faktit se një këmbësor ka humbur jetën se ka thyer rregullat. është proces kompleks, siguria rrugore, por jemi të angazhuar për rezultate të larta. Unë e kolegu Lleshaj, kemi punuar për një grup të përbashkët për krijimin e qendrës së menaxhimit të trafikut. Mbulimi i akseve të rrjetit rrugor me kamera, vendosja e sinjalistikës elektronike për shpejtësinë, njoftimi për drejtues që thyejnë rregullat, të gjitha këto do të bëhen në sallën e manxhimit të kontrollit, në një bashkërendim të automatizuar mes Policisë së Shtetit, drejtorisë së transportit rrugor, policisë rrugore.”
Bashkërendimi i veprimeve dhe ndërgjegjësimi i qytetarëve, tha ministrja e Infrastrukturës, Belinda Ballu, është zgjidhja e gjithë problematikeve që ne kemi ndërsa përfundoi:
“Dua të garantoj kryebashkiakët e pranishëm se pushteti qëndror është aty për t’i dhënë secilit mjetet e nevojshme për të kryer detyrën sic duhet, për t’i ndihmuar. Na është dashur të mbështesim turizmin drejt jugut, dhe e kemi bërë nga qershori. Pa ndihmë e policisë rrugore, do kishte qenë e pamundur për ne. Me mungesën e ndarjes, apo shkëmbimit të makinave, do na duhet të ndërhyjmë shpejt, ndoshta edhe duke e mbyllur për pak kohë aks, ndihma e policisë rrugë ka qenë shumë e rëndësishme, duke ndihmuar edhe punën e ARRSH-së. Ky është një nga rastet e shumta të bashkëpunimit, megjithatë duhet një fokus i jashtëzakonshëm te sigura rrugore. Edhe kostot financiare për shkak të dëmeve nga aksidentet janë të konsiderueshme. 2020 është shpallur nga MIE, si vit i sigurisë rrugore.”
