Vjosa Osmani: Serbia, shteti i vetëm në rajon që nuk dëshiron raporte miqësore!

Presidentja e Kosovës, Vjosa Osmani, tha në Podgoricë se Kosova dhe Mali i Zi, ndajnë jo vetëm një partneritet të fortë dypalësh por edhe një miqësi unike ndërmjet qytetarëve tanë.

“Jam e sigurt se kjo vizitë do të kontribuojë në ketë drejtim dhe do të ndihmoj që këto raporte të avancohen gjithnjë e më shumë,” tha ajo pas takimit me Pesidentin e Malit Zi, Milo Gjukanoviç, në Podgoricë ndërsa falënderoi homologun malazez për mbështetje të vazhdueshme që i jep Kosovës.

“Është për keqardhje që jo të gjithë fqinjët tanë e ndajnë këtë vizion, lidershipi i njërit shtet në veçanti ka mundësuar që t’i hap rruga ndikimit malinje të Rusisë në rajonin tonë. Duke ndjekur mendësinë e tij të mikut të tij, Putin ky lider parapëlqen të mendoj se dy vendet tona, Kosova dhe Mali i Zi, janë projekte që ai i quan projekte të përkohshme, por realiteti është i një dhe i vetëm. Kosova dhe Mali i Zi janë shtete sovrane dhe demokratike dhe me të ardhme në Bashkimin Evropian,” Vjosa Osmani ndërsa falënderoi Milo Gjukanoviçin për angazhim dhe përkrahje të Kosovës për anëtarësim në Këshillin Evropës.

“Integrimi i Kosovës dhe Malit të Zi në sutrukurat euroatlantike, është domosdoshmëri dhe jo vetëm opsion. Integrimi i vendeve tona në strukturat euroatlantik është thelbësor për paqen në Ballkan,” tha Presidentja e Kosovës ndërsa i kujtoi Presidentit malazez Milo Gjukanoviç, se 23 vite më parë ajo ishte refugjate në Mal të Zi .

Me këtë rast, Presidentja e Kosovës, Vjosa Osmani foli edhe për Asociacionin e komunave me shumicë serbe ku e bëri të qartë se Serbisë nuk do ti jepet instrumenti i kontrollit.

“Ne nuk jemi kundër të drejtave të komunitetit serb, por jemi kundër që t’i japim Serbisë një instrument kontrolli nëpër mes të cilit mund të minoj integritetin tonë dhe të sjell destabilitet rajonal!”

Ndërsa Presidenti i Malit të Zi, Milo Gjukanoviç, nga ana e tij tha se dialogu i sinqertë do të kontribuojë avancimin e marrëdhënieve fqinjësore dhe se shteti që ai drejton e ka shumë të rëndësishme bashkëpunimin rajonal dhe ka përkushtim të plotë për vlerat evropiane.

“Mungesa e stabilitetit mund të largohet vetëm me integrimin euroatlantik dhe ne kemi gatishmëri për të mbështetur këtë rrugë, i kuptojmë ambiciet e Kosovës që në një të ardhme të fitojë statusin e kandidatit në Bashkimin Evropian,” tha Gjukanoviç duke shtuar se mbetet që të punohet në legjitimimin e pakicës malazeze në Kosovë.

“Shprehim mirënjohje për një pozitë më të dukshme të komunitetit malazez në Kosovë, kemi folur për mundësitë e bashkëpunimit ekonomik, por jo në nivel të duhur, në fushën e lidhshmërisë infrastrukturale dhe të vazhdojmë të rrisim numrin dhe cilësinë e pikave kufitare për të mundësuar biznes bërje, me politikën e përgjegjëse të qeverive tona do të krijohen kushte për zhvillim ekonomik.”

Ndryshe, kjo është vizita e parë e Vjosa Osmani si Presidente e Kosovës në Mal të ndërsa Milo Gjukanoviç ishte në vitin 2022 në vizitë zyrtare në Kosovë.