“Skandali Rama-McGonigal”, Edi Rama pranon mocion me debat por jo Komision Hetimor!

“Konferenca e Kryetarëve ka marrë vendimin për zhvillimin e mocionit me debat për çështjen e McGonigal,” kështu është shprehur pas mbledhjes Kryetari i Grupit Parlamentar të PS, Taulant Balla, duke shtuar se ajo nuk do të jetë pa limit, siç ka kërkuar Partia Demokratike, por 12 orë.

“Sot Konferenca e Kryetarëve ka marrë vendimin për zhvillimin e një mocioni me debat. Sa i përket kohës se sa orë dhe kur do të zhvillohet ky debat le të jetë një diskutim. Konferenca e kryetarëve ka miratuar zhvillimin e mocionit me debat. Mocioni me debat do të zhvillohet. Mbetet të caktojmë sa i gjatë do të jetë debati, të jetë një prej 12 orësh,” tha Taulant Balla duke shpallur kështu dhe ndryshimin e mendimit të shefit të tij, pas gjithë asaj që u raportua për Edi Ramën dhe bëmat e tij me zyrtarin e lartë të FBI, Charles McGonigal.

Ndryshe nga Kryetari i Grupit Parlamentar të PS, Enkelejd Alibeaj tha se kërkuan interpelancë me kryeministrin Edi Rama për çështjen McGonigal ndërsa mazhoranca ka shtyrë kërkesën për ngritjen e Komisionit Hetimor.

“Po bëhet lojë për të fshehur Ramën nga të vërtetat. Rama është i akuzuar i vetëm. Rama shkeli Kushtetutën dhe rregulloren,” tha Alibeaj.